"حاربتُ لأغزو قلبها" الجزء الثالث من "لعنه جعلتني احبك"

اقتباس ٢من الوصيه الثلاثيه

كان ياسر يقف في منتصف الشارع وهو يصرخ بغضب "شيل القناع ياض بدل ما اخليهم يعلمو عليك" حاول آسر أن يبعد ذلك الأبله عنه وهو يصرخ به "يعني انا هصرف وهكلف على قناع علشان اضحك على حد ولما اضحك على واحد يبقى انت يا عبيط ابعد عني ياض"

نظر جاسر لياسر باشمئزاز وهو يقول "يا كابتن ياسر مينفعش الي بتعمله ده عيب احنا المفروض كنا في بطن واحده يا جدع" نظر ياسر بتشنج لجاسر ليمسكه هو الآخر من تلباب قميصه وهو يقول بصراخ "كابتن ايه يحبيبي؟؟ شايفني لابس ترينج اضيدس وبقول يلا هوبه اتنين تلاته اربعه، ده انتو يومكو اسود انتو الاتنين"

كان بنداري يجلس وهو يكاد يبكي من الرجال الذين يقيدوه ليقول شوقي وهو على وشك البكاء "يا معلم ياسر والله الاتنين دول اخواتك يبني ده انتو نسخه من بعض"

"ايه التجميعه دي يا ياسر بتحفل على مين" صمت الجميع عند هذا الصوت ليقفو سريعًا باحترام ليقول ياسر "الحقيني ياما في ناس بتقول أنهم اخواتي سيبيني اعلم عليهم يا نعمة وربنا ما هخرجهم من هنا غير على نقالة"

اقتربت نعمه التي تبلغ من العمر سبعة واربعون عامًا وترتدي ثوب طويل يسمى بالعباءه وتنظر لشوقي لتقول لياسر بتفكير "ما يمكن يكونو اهلك بجد يا واد"

نظر لها ياسر بعدم تصديق وهو يقول بغضب "اهلي هيفتكروني بعد ثمانيه وعشرين سنة ياما ما تعقلي الكلام" ثم قام بإظهار كلا من آسر وياسر الذي كان يمسكهما من تلباب قميصهما ليبتسما لنعمة ببلاهه عندما قال ياسر "عايزه تفهميني أن البئفين دول اخواتي التوأم"

شهقت نعمة بخضه عندما نظرت لثلاثتهم لتبصق بصقه وهميه في ثيابها وهي تقول "سبحانه ويخلق مالا تعلمون صحيح، ده انت إلي تبقى بئف يا ياسر لو مصدقتش أنهم اخواتك"

نظر جاسر لنعمة باحراج وهو يقول "علميًا يا طنط تقريبا كده انا الكبير عنهم بأربع دقايق ولا حاجه" ليبتسم آسر ببلاهه وهو يكمل "بس عمليًا يا ست نعمه ، ياسر اكبر مننا بسبع سنين ولا حاجة"

وفي ثواني كان ياسر يلقيهم ارضًا وهو يفتح سلاحه الابيض ويصرخ بهم "ده انتم يومكم الوان قوس قزح انهارده" نظر آسر لياسر برعب ثم ضم يديه على كتفيه وهو يحتضن نفسه برعب قائلًا "قوس قزح!!!! هو هيعمل فينا ايه"

نظر جاسر برعب لياسر الذي اقترب منهم ليقول برعب "صدق الي قال الاخوات سند ، وده هيسندنا للمستشفى"

اتمنى ان أعلم رأيكم في ذلك الاقتباس وهل تحمستم لتلك الروايه ام لم استطع تحميسكم بعد؟؟؟

"Triple commandment"
"الوصية الثلاثية"

قريبًا "سهيله محمد" 🤍🫀