"حاربتُ لأغزو قلبها" الجزء الثالث من "لعنه جعلتني احبك"

فضفضه

بما اني مش لاقيه حاجه اعملها فقولت افضفض معاكو شويه

انا فيه روايات كتير في دماغي وبعون الله ثم بيكو هعملها وباذن الله هتنجح وربنا مش هيضيع تعبي

بس مهما كتبت رواياتي ومهما باذن الله اتشهرت....هتفضل لعنه جعلتني احبك هي احب روايه لقلبي

هتفضل اكتر روايه نفسي اعملها تعديل وباذن الله هعمله وعيزاها تبقى احسن

هتفضل الروايه الوحيده الي كنت بكتب فيها بقلبي مش بعيني هتفضل اكتر روايه في عز تعبي ومشاكلي بحب اهرب ليها واكتبها

مش بتابع مشاهدات شنطه حبنا زي ما انا متابعه لعنه جعلتني احبك ومستنياها تكبر وتتشهر اكتر واكتر

هفضل مستنيه حلمي يتحقق في الروايه دي الي كتبت فيها بكل مشاعر جوايا سواء في الضحك أو الحزن أو حتى الرومانسيه

هيفضل الجزء الاول نقطه لبدايه معرفه أفكاري عامله ازاي وقادره تألف ايه

وهيفضل الجزء التاني نقطه تحولي للاحسن وربط الأحداث وزياده الضحك والتشويق وهتفضل قصه مليكه وأحمد وهتفضل قصه محمد وروان الأقرب لقلبي

وقريبا هتبقى قصه كل بطل في الجزء التالت كلهم الافضل لقلبي علشان الجزء التالت بدايه تحسني وتحولي من ناحيه كل حاجه الاملاء والسرد والأحداث وكل حاجه

وهفضل اتمنى من ربنا روايتي تتشهر ومتتصنفش ابدا لروايات بير سلم بالعكس هفضل اتمنى الكل يشوفها ويهرب بيها من حياته لقراءتها زي ما انا بهرب من مشاكلي بكتابتها

هفضل اتمنى ارسم بسمه على وشوشكو واضيفلكو حماس لاحداث مش حقيقيه بس انا عيزاكو تحسوها حقيقيه وبتحصل

هفضل اتمنى من ربنا اكون عيله تانيه منكم ومش بس بفوت أو مشاهده بالعكس عايزه اكون عيله منكم في الروايه ايه اكتر حاجه بتحبوها وايه اكتر حاجه متحمسين ليها وهكذا

هفضل أسعى واتوكل على ربنا ثم عليكو علشان اوصل❤️🌼