Unicode
ခွေးပေါက်လေး အရုဏ
______________________
ပီယံ့၏အမေးစကားအဆုံးတွင် ရေဝတီ၏ ထူးခြားသော မျက်ဝန်းများမှာ ဝိုင်းစက်ပြူးကျယ်သွားလျက် ပန်းရင့်ရောင်သမ်းသော နှုတ်ခမ်းနှစ်လွှာဟာလည်း အံ့ဩတကြီးဖွင့်ဟလုနီိးနီး။
သူမသည် အာစေးမိသည့်ပမာ ဆွံအသွားကာ ပီယံ့ကိုအတန်ကြာစိုက်ကြည့်နေမိသည်။ သို့သော်လည်း တစ်စုံတစ်ရာပြန်လည်ပြောဆိုသင့်ကြောင်း သတိချပ်မိသဖြင့်
" ကျွန်ုပ်က နဂါးမှန်း ဘယ်လိုလုပ် သိသွားတာလဲ"
ဟု နှစ်ကိုယ်တည်းကြားသည်ဆိုရုံမျှ အသံနှင့်မေးသည်။ သူမဟာ မဟန်ဆောင်တတ်သူပ်ီပီယခုအခါတွင် သိသိသာသာမျက်နှာပျက်ယွင်းနေသည်။
တစ်ချိန်တည်းပင် ရေဝတီသည် သစ်ကိုင်းပေါ် မြဲမြံစွာမတ်တပ်ရပ်ရင်း သူမခါးကို ဆွဲကိုင်ထားမိသည့် ပီယံ့၏လက်ကို အသာအယာဖြုတ်ချသည်။ နဂါးဘဝတွင် မသိသာသော်လည်း လူ့ခန္ဓာကိုယ်ဖြစ်သောအခါ ခါးက ထိသည်နှင့်ယားယံလှသည်။ သူမ၏ခါးကို ကိုင်၍မရချေ။
သူမ ဆွဲဖြုတ်လိုက်သဖြင့် လက်ပြန်ရုတ်သိမ်းသွားသော ပီယံသည် လူကြီးလူကောင်းဆန်စွာပင် အနောက်သို့ဆုတ်ပေးသည်။ သို့မှသာ သူမနှင့်အလွန်တရာမနီးကပ်တော့ဘဲ သူမကို သက်တောင့်သက်သာမရှိအောင် လုပ်ဆောင်ရာမရောက်တော့ချေ။
" သင် ရေတွေကိုထိန်းချုပ်နိုင်တာ သေချာမြင်ခဲ့တယ်။ ပြီးတော့ ရေကိုဆားခတ်ပြ်ီး သောက်တဲ့အကြောင်းရော၊ မျက်ဝန်းထောင့်စွန်းတွေက အမြဲနီမြန်းနေတတ်တယ်ဆိုတဲ့အကြောင်းရော အဲ့တာတွေအကုန်က သင်ကနဂါးဆိုတဲ့ဖြစ်ရပ်မှန်ကို ညွှန်ပြနေတယ်"
မင်းသားပီယံက သူမ,ဆားရေသောက်သည့်အကြောင်းကိုပါသိရှိနေ၏။ စတွေ့ကတည်းက သူမကိုသံသယရှိသဖြင့် အနောက်ကိုလိုက်နေခြင်း ဖြစ်နိုင်သည်။ မည်သို့ပင်ဆိုစေကာမူ ဤမင်းသားမှာ ထက်မြက်လှကြောင်း ငြင်းဆို၍မရချေ။ သို့မဟုတ် သူမဘက်က ပေါ့ဆခဲ့သည်လည်း ဖြစ်နိုင်သည်။
"ပြောပါဦး။ သင်က ဘယ်နဂါးမျိုးနွယ်ဝင်လဲ။ ပြီးတော့ ဘယ်အကြောင်းကြောင့် အစ်ကိုယုဂန်ကို ဖမ်းခေါ်သွားချင်နေရတာလဲ"
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
