𝕀𝕞𝕞𝕠𝕣𝕥𝕒𝕝 𝕄𝕖𝕞𝕠𝕣𝕪 ❤ ⓧⓘⓐⓝⓦⓐⓝⓖ 💙 ( Complete )

❤️ 24. වූශියෑන් 💙

රජුගේ මැදුරෙන් පිටව ආ වංජි ඉහිලුම් නොවූ කෝපයෙන් යුතුව පැමිනියේ තම පුත්කුමරුන් අසලටය.. මන්ද මේ මොහොතේ තම සිත සංසුන් කල හැකි අයෙකු වේ  නම් ඒ පුංචි පුතු පමනක් බව ඔහු දැන සිටියේ...

තම කුටියට ඇතුල්ව බිම් යහනේ අසුන් ගෙන පුංචි පුතු තුරුල් කරගත් වංජි පුතුගේ මුහුන දෙසම බලාගෙන කල්පනා කරන්නට වූයේ පෙර තමා හා අදිරජු අතර සිදුවූ කතා බහ පිලිබදවය..

මීට දින දෙකකට පෙරදී රජ සභාවේ කතිකා වූ පරිදි වූශියෑන් හට උපබිසවක් කැදවාගෙන ඒමට ඒ වන විටත් සියල්ල සූදානම් කර හමාරය..

බටහිර පාර්ශවයේ ප්‍රධාන අමාත්‍ය චින් යෙන් ගේ දියනිය වන චින් යැන්සි වූශියෑන් ගේ උපබිසවුන් ලෙස මාලිගයට කැදවාගෙන ඒමට ගෙනා යෝජනා සියල්ල තමා ඉදිරියේම සම්මත වූ ආකාරය හා වූශියෑන් කිසිදු පැකිලීමකින් තොරව ඊට එකග වූ ආකාරය වංජිට තම දෑස් ඉදිරියේ මැවී පෙනීමට පටන් ගත්තේය... එසේම පෙර  අගබිසවුන් සිටින සමයේ මෙලෙසට රාජ සභාවේදී උපබිසවක් පිලිබදව ගෙනා යෝජනා සියල්ල ඔහු විසින් ප්‍රතික්ෂේප කල බව දැනගත් විට ඔහුට ඇතිවූ හැගීම් පිලිබදවද වංජි  ඒ මොහොතේ සිතන්නට පටන් ගත්තේය..

නමුත් ඒ සියල්ලම එලෙසට සිදුවූවත් පෙර සිදුවූ සියල්ල පිලිබදව හොදින්ම දත් වූශියෑන් මෙලෙසට අඥානයෙකු සේ හැසිරෙන ආකාරය පිලිබදව වංජි ට සිතා ගන්නට නොහැකි විය..

පියෙක් ලෙස තම පුතුගේ ආරක්ෂාව පිලිබදව තැකීමක් නොකරන වූශියෑන් පිලිබදව වංජිට ඇත්තෙන්ම ඇත්තේ කලකිරීමකි.. තම කුසෙන් බිහි නොලත් තමා පුතුගේ ආරක්ෂාව පිලිබදව වදවන තරමට ඔහුගේම පියා ඔහු ගැන වද නොවන ආකාරය පිලිබදව වංජි සිතුවේ කනස්සල්ලෙනි..
මෙලෙසට පුතුගේ දිවියට සෘජුවම තරජනයක් වන ආකාරයේ තීරණයක් ගෙන ඒ පිලිබදව කිසිදු තැකීමක් නොකර සිටින වූශියෑන් කෙරෙහි වංජිගෙ සිතේ ඇත්තේ කෝපයකි... නමුත් තමා කෝප පමනක්  ගෙන  නිහඩව සිටියහොත් නිසැකවම තම පුතුගේ දිවියට අනතුරක්වන බව තේරුම් ගත් වංජි පෙරදී වූශියෑන් හා බහින් බස් වූයේ තමා කෙසේ හෝ පුතු ආරක්ශා කරගන්නා බව සිතමිනි..

තම පුතු ආරක්ෂා කර ගැනීමටනම් තමා පලමුවෙන් පුතුත් සමග මේ මාලිගයෙන් පිටව යායුතු බව වටහා ගත් වංජි පෙර දිනකදී වූශියෑන් විසින් තමාට ලබා දුන් අවසරය ප්‍රයෝජනයට ගෙන නැවත ලාන් මැදුර වෙත පිටව යාමට අවසර ඉල්ලුවේය.. නමුත් දැන් වූශියෑන් ඊට අවසර දීමට අදිමදි කරන්නේය... එනිසා වංජි ඒ පිලිබදව පසුවන්නේ දැඩි කෝපයකින් හා කනස්සල්ලකිනි... නමුත් ඔහු උත්සහය අතහරින්නටද සූදානම් නැත. තම විවාහයේ මූලික අරමුණ වූ චෙන්ග් කුමරුන්  ඔටුන්න හිමි කුමරු බවට පත් කිරීමේ අරමුන කෙසේ හෝ ඉටු කර ගන්නා තුරු තමා කුමරුන් ආරක්ශා කල යුතු බව සිතා ගත් වංජි ඒ වෙනුවෙන් ඕනෑම දෙයක් කිරීමට සිතා ගත්තේය..