بسم الله الرحمن الرحيم
سمعت بدايات صوت سَديم لكني لم أستطع فهم ما قال بسبب زمير طويل لسيارة جاءت من خلفي كانت نتيجتها انقطاع صوت سَديم و صرخة مدوية أطلقتها.
توقفت السيارة بجواري ثم فُتِح الباب ليهتف سَديم : في أيه يا ديدا بتصوتي ليه أيه اللي حصل
قلت و أنا ألج إلى السيارة : أنت بتسأل أيه اللي حصل ، في حد يعمل في حد كده ، لا استنى ، في حد يعمل كده أصلاً
قال ببراءة : كنت بجذب انتباهك
قلت بغضب : انتباهي تجذبه بزمارة زمارتين قصيرين مش زمارة طويلة ده أنا كنت هموت لا و أيه و أنا متخانقه مع بابا و رايحه أشوفك و لسه محققتش أحلامي و لسه مش تبت
قال مبسطاً للأمر : خلاص توبي علشان المرة الجايه متشيليش هم و أنتي بتموتي
ثم أضاف : و بعدين أنا كنت جاي من جنبك أساساً
نظرت له بشرز ثم قلت: ما أنا لو ممتش من الخبطة كنت هتموتني من الخضة و بعدين أنت قصدك أيه بالمرة الجاية تموتي و أنتي مش شايلة هم قصدك إنك هتموتني
كان هادئاً للغاية و هو يقول : هموتك ليه يا ديدا يا حبيبتي أنا بقولك عادي و عموماً أنا آسف مكنش قصدي أخضك يلا بينا علشان وصلنا
أجبته بعند : مش نازلة أنا لسه مدايقة
قال : يا روحي أنتي كنتي كده كده مدايقة و حبيت أفرفشك لو دايقتك فأنا آسف
أتجهت يده ناحية كتفي ليربت عليّ فنحيتها و قلت : متلمسنيش علشان متضربش ، الكلام الحلو حاجة و اللمس حاجة تانية خالص
قال معتذراً : أنا آسف خلاص مش هعمل كده تاني ناوية تحكي حاجه ليا ولا لأ
قلت : تعالى ننزل طيب
نزلنا بالفعل من السيارة و جلسنا في تلك الحديقة الواسعة المملوءة بالألعاب المتنوعة إضافة إلى الكراسي و الأرائك الخشبية ، نظرت للمكان حولي ثم اقترحت : نقعد على كرسيين في وش بعض
وافقني سَديم قائلاً : ماشي يلا
بعد ما جلسنا سألني إن كنت أريد أن أطلب أي شيء لأشربه أو لأتناوله قفلت شاكره : لا شكراً مش عايزة أساساً مفيش أي محلات هنا
أجاب ببساطة : I know ( أنا أعلم ) بس كنت هعمل online order (طلب الشراء عبر الإنترنت) للأنتي عايزاه
ابتسمت ثم قلت : شكراً يا سَديم
سألني : بتشكريني على أيه
إجابتي كانت بسيطة : على كل حاجه
سألني : مش عايزة تحكي
أنت تقرأ
بالداخل هناك
Randomشغف يتملق منا ،أحلام تملئ مخيلاتنا ، مشاعر لم نتخيل أن نشعر بها، أشياء نسعد بها ، أبتسامة نفرح لها ، أمر نصدم به ووحدة تملئ أياماً من شهورنا أو شهورنا كلها ،كلمات نتألم عندما نسمعها أو ذاكرة تحمل كلمات مؤلمه،قصة لا أحد يعلمها و روح و ذكريات لا أحد ي...
