လေတစ်ဖြူးဖြူးတိုက်ခတ်နေသော တောင်ကုန်းမြင့်ပေါ်တွင် ကမ္ဗည်းမှတ်တိုင် ၃ခုစိုက်ထူထားသောအုတ်ဂူကြီးတစ်ခု ရှေ့၌ အနက်ရောင်ဝတ်စုံနှင့် ကောင်လေးတစ်ယောက် ဒူးထောက်၍ထိုင်နေသည်။
"အဖေ၊အမေ ၊အစ်ကို ကျွန်တော်ရောက်လာပါပြီ။ မကြာခဏလာမတွေ့နိုင်လို့တောင်းပန်ပါတယ်။"
"ကျွန်တော်ကတော့အဆင်ပြေပြေရှိနေပါတယ်။ဖာသာကလည်း ကောင်းကောင်းဂရုစိုက်ပါတယ်။အမေတို့စိတ်ချလက်ချနေလို့ရပါတယ်။ပြီးတော့ကျွန်တော့်မှာ အရမ်းကောင်းတဲ့သူငယ်ချင်းတစ်ယောက်လည်းရှိနေပြီ။နောက်တစ်ခါကျရင် သူ့ကိုအမေတို့နဲ့တွေ့ပေးဖို့ခေါ်လာခဲ့ပါ့မယ်။"
Jeongwoo ရဲ့မျက်ဝန်းများတွင် မျက်ရည်များရစ်ဝဲနေသော်လည်း အပြင်သို့တစ်ပေါက်မှကျမလာစေရန် ထိန်းချုပ်ထားသည်။ငယ်စဉ်ကပင် လောကဓံကိုတွေ့ကြုံခဲ့ရသော ကလေးပေမို့် စိတ်ခံစားချက်ကိုအပြင်သို့တော်ရုံထုတ်မပြတတ်ပေ။ထိုမြင်ကွင်းကို မလှမ်းမကမ်းသစ်ပင်အောက်မှ ရပ်ကြည့်နေသော ဖာသာလည်း စိတ်မကောင်းစွာဖြင့် သက်ပြင်းချမိလေသည်။
Jeongwooလည်း အဖေ အမေနှင့် အစ်ကိုတို့ကို အချိန်အတော်ကြာ အဖော်ပြု ပြီးနောက် ဂေဟာသို့ပြန်လာခဲ့ကြသည်။
💎💎💎💎💎💎
ယနေ့သည် Jeongwoo ၏မွေးနေ့လည်းဖြစ်သလို Jeongwoo မိဘများ ကွယ်လွန်သော နှစ်ပတ်လည်နေ့လည်းဖြစ်ပေသည်။ဒီလိုနေ့ရောက်တိုင်း Jeongwoo တစ်ယောက် စိတ်နှင့်လူ မကပ်သလို တွေးငေးနေတတ်သည်။ယခုလည်း သစ်ပင်အောက်တွင်ထိုင်ကာ အတွေးထဲနစ်မြောနေပြန်သည်။
"Woo"
အနားကပ်ကာခေါ်လိုက်သောအသံကြောင့် Jeongwoo သတိပြန်ဝင်လာသည်။လှည့်ကြည့်စရာမလိုလောက်အောင်ပင် ခေါ်သံသည်အလွန်ရင်းနှီးနေပေသည်။
"Luto ရား ဘယ်တုန်းကရောက်နေတာလဲ။""ခုနကပဲရောက်တာ မင်းကဒီမှာဘာလုပ်နေတာလဲ "
ပြောရင်းဆိုရင်းဘေးနားမှာဝင်ထိုင်လိုက်သော Haruto ကိုလှည့်ကြည့်လိုက်မိသည်။စိတ်ထင်လို့ပဲလား မသိ Haruto မျက်နှာသိပ်မကောင်းသလိုပင်။
![](https://img.wattpad.com/cover/318220831-288-k398299.jpg)
YOU ARE READING
Betelgeuse (Hajeongwoo)
Fanfictionငယ္စဥ္ကေတြ႕ဆံုကာသံေယာဇဥ္ တြယ္ခဲ့ၾကတဲ့ ေကာင္ေလးနွစ္ေယာက္ ကံၾကမၼာေၾကာင့္ခြဲခြာခဲ့ၾကရၿပီး ၁၀နွစ္အၾကာတြင္ျပန္လည္ဆံုေတြ႕ၾကေသာအခါ ငယ်စဉ်ကတွေ့ဆုံကာသံယောဇဉ် တွယ်ခဲ့ကြတဲ့ ကောင်လေးနှစ်ယောက် ကံကြမ္မာကြောင့်ခွဲခွာခဲ့ကြရပြီး ၁၀နှစ်အကြာတွင်ပြန်လည်ဆုံတွေ့ကြသောအခါ