Haruto လည်း Jeongwoo အနောက်မှနေ၍ တိုက်ခန်းထဲလိုက်ဝင်သွားတော့သည်။တိုက်ခန်းမှာ အိပ်ခန်းနှစ်ခန်းပါ၍ အပြင်အဆင်မှာလည်း သပ်သပ်ရပ်ရပ်နှင့် ရှင်းလင်းလွန်းနေသည်။
"Haruto မင်းရေချိုးလိုက်ပါလား။အဝတ်တွေလည်းလဲရဦးမှာဆိုတော့။ရေချိုးခန်းကငါ့အခန်းထဲမှာ။မင်းဝတ်ဖို့အဝတ်အစားကိုထုတ်ထားခဲ့လိုက်မယ်။"
Haruto လည်းခေါင်းညိတ်ပြလိုက်ကာ ရေချိုးရန် Jeongwoo အခန်းထဲသို့ဝင်သွားတော့သည်။ရေချိုးပြီးနောက် Jeongwoo ထုတ်ထားပေးသော အဝတ်အစားများကိုဝတ်ဆင်ကာ အခန်းထဲမှထွက်ခဲ့တော့သည်။
သို့သော် Jeongwoo ကိုအရိပ်အယောင်ပင် မမြင်ရပေ။ထို့ကြောင့် Haruto လည်း Jeongwoo ကိုလိုက်ရှာရင်း အခြားအိပ်ခန်းတံခါးကိုဖွင့်မည်အပြု
"မဖွင့်နဲ့~~~~"
Jeongwoo ၏ရုတ်တရက်အော်သံကြောင့် Haruto လည်း လန့်သွားကာ တံခါးလက်ကိုင်ကို လွှတ်လိုက်ပြီး Jeongwoo ကိုအံ့အားသင့်စွာ လှည့်ကြည့်လိုက်သည်။
ထိုအခါမှ Jeongwooလည်း ရုတ်တရက်ဆန္ဒစောသွားမှန်း သတိရကာ အားနာသောအကြည့်တို့ဖြင့်
"အာ...လန့်သွားရင် တောင်းပန်ပါတယ် Haruto။အိမ်ရှင်ကအဲအခန်းကို မဖွင့်ဖို့မှာထားလို့ပါ။ရုတ်တရက် မင်းဖွင့်တာကိုမြင်လို့ ငါလည်းလှမ်းအော်လိုက်မိတာ။ တောင်းပန်ပါတယ်။"
"ရပါတယ်။ ငါကမင်းကိုရှာမတွေ့လို့ ဒီအခန်းထဲမှာထင်နေတာ။ဒါနဲ့မင်းက ဘယ်သွားနေတာလဲ။"
"ညစာအတွက်လေ။မင်းလည်းစားရဦးမှာမဟုတ်ဘူးမလား။အဲဒါကြောင့် စတိုးဆိုင်ခဏသွားလိုက်တာ။ခဏစောင့်လို့ ရတယ်မလား ငါအဝတ်အစားလဲပြီးရင် ညစာပြင်ပေးမယ်လေ။ဧည့်ခန်းထဲမှာစောင့်နေလို့ ရတယ်။"
Haruto လည်း Jeongwoo ရဲ့အနည်းငယ်စိုးရိမ်နေသော မျက်နှာကိုကြည့်ကာ သံသယဝင်မိသော်လည်း ခေါင်းညိတ်ပြ၍ ဧည့်ခန်းဆီသို့ထွက်သွားလေသည်။ထိုအခါမှ Jeongwoo လည်းသက်ပြင်းအသာခိုးချကာ အိပ်ခန်းထဲ ဝင်သွားတော့သည်။
Jeongwoo ရေချိုးခန်းမှန်ရှေ့တွင် မတ်တပ်ရပ်ကာ မှန်ထဲရှိပုံရိပ်ကိုကြည့်နေရင်း အတွေးတို့ထဲယောက်ယက်ခတ်နေလေသည်။
YOU ARE READING
Betelgeuse (Hajeongwoo)
Fanfictionငယ္စဥ္ကေတြ႕ဆံုကာသံေယာဇဥ္ တြယ္ခဲ့ၾကတဲ့ ေကာင္ေလးနွစ္ေယာက္ ကံၾကမၼာေၾကာင့္ခြဲခြာခဲ့ၾကရၿပီး ၁၀နွစ္အၾကာတြင္ျပန္လည္ဆံုေတြ႕ၾကေသာအခါ ငယ်စဉ်ကတွေ့ဆုံကာသံယောဇဉ် တွယ်ခဲ့ကြတဲ့ ကောင်လေးနှစ်ယောက် ကံကြမ္မာကြောင့်ခွဲခွာခဲ့ကြရပြီး ၁၀နှစ်အကြာတွင်ပြန်လည်ဆုံတွေ့ကြသောအခါ
