"يدعي دائمًا في صلاته لتكُن من نصيبه هو، لا يدري كم من مرة بكى عندما كان يشعُر بضياعها من بين يديه!.، على الرغم من ذلك لا يستطيع التحدث أو البوح لها بما يشعر به داخله لأنه يعلم دينه الصحيح، رفض والده كان قاطع ولا يحتمل النقاش وهو بار به كثيرًا ولا ي...
ازيكم يا جميلات رواية ندوب الهوى؟.. أكيد كويسين بما إني جيت يعني وكده😂❤️
بعد الآراء اللي شوفتها من قراء الواتباد والفيسبوك وبصراحة أنا اختلاف الآراء على رواياتي بيغسلني من جوه كده، بحس أن فيه حاجه حلوة فعلًا بتتعمل وعلشان كده في اختلاف آراء..
المهم المناقشة ممكن تطول بس ركزوا معايا واعتبروها اقتباس، واحدة واحدة ناخد الكبير الأول واللي هو "جاد"، ليه "جاد" مش عايز يقول لـ "هدير" أنه بيحبها ويخلص نفسه ويخلصها ويخلصنا معاه؟..
-لأن السبب الرئيسي في الجواز هو اللي عمله "مسعد" ومن هنا اتقدم "جاد" علشان ينهي كل حاجه هو وأبوه ومن هنا كانت "هدير" فهمت أنه مش عايزاها على الرغم من أنه حاول أكتر من مرة يقولها وقالها بالفعل أنه عايزاها من زمان ولكن في تأثير جواها مش مصدق..
-والتابع أو الناتج بعد كده طبعًا شوفناه لما قرر أنه يتكلم ولكن طبعًا حوار "مريم" عطله وشوفنا هي فهمت ايه لما قالها إن "سمير" عايز أختها فهو فاهم كويس أنه لو أتكلم في الوقت اللي فات ده وقالها أنا بحبك!.. هتقول إنه بيجبر بخاطرها أو بيكدب علشان يعدي الأيام بينهم وده طبعًا مش حل فهو "جاد" فاهم هو بيعمل ايه ومعاه حق إنه مايتكلمش لكن مش هنطول أكتر من كده
"هدير" بقى نفس الكلام ولكن هي الطرف الآخر، هي شخص عاش كبير مع إنه صغير، شالت مسؤولية وكانت محرومة من حنان راجل في حياتها زي أب أو أخ، فهي محتاجه أفعال ونظرات وكلام واعترافات عايزة كل حاجه مش حاجه واحدة بس، شايفة حب "جاد" بس شوية تكدبه وشوية تصدقه وهي وعقلها بقى ومع كل موقف تفكيرها يختلف أكيد واخدين بالنا من كل ده!..
فهي بردو معاها حق في اللي بتعمله، نفسيتها غصب عنها تعبانه بسبب كلمتين محتجاهم منه في وقت غلط لو قالهم هتكدبه والحالة بينهم هتسوء أكتر وأكتر فبصراحة كده من وجهة نظري كـ ندا القارئة مش الكاتبة "جاد" معاه حق، طبعًا ده لو فاهمين تفكير كل واحد فيهم كويس وبنقرأ السرد كله..
نيجي بقى لـ "سمير" و "مريم" طبعًا دول أصلًا بشوات القصة كلها نظرات، كلمات، مشاعر وجمدان وكده يعني، أبطال ثانوية على فكرة يا جدعان انتوا شايفين ظهورهم بسيط؟.. دا لسه قدام هيبقى أبسط 😂 لأ بس بجد هما ناس رايقة معروف أنهم بيحبوا بعض و "سمير" دوغري عن "جاد" وواحد ملاوع كده "مريم" مش هتاخد في أيده غلوة أصلًا دا لو احتاجت😂😂
"مسعد" وما ادراك ما "مسعد" واخدين بالكم إنه بوء على الفاضي؟.. يعني هو حد من بتوع الكلام لكن فعل مفيش بجد، فين وفين لما يقرر يعمل حاجه بس صراحة كل عمايله بتيجي في الجون ولسه🙂 بس هو الفترة دي هادي وبيتكلم بس لكن مش بيعمل حاجه، هيرمي القنبلة في وشنا مرة واحدة وعلى حين غرة 😂 متقلقوش مش هنتخلص منه بسهولة..
"كاميليا" وظهورها وبعدين اختفائها هي حد أساسي في الرواية لكن دورها مجاش فكان لازم تظهر علشان تعرفوا حياتها ماشية إزاي وتفكيرها عامل إزاي وطبعًا كل ده ظهر في الكام مشهد اللي طلعت فيهم ولسه بقى دورها هيبدا بجد بعد كام فصل..
"جمال" من الأبطال الثانوية بردو ولكن دوره مهم في رسم شخصية الشباب اللي زيه ومش هوضح بقى حاجه عنه لأنه بيختفي ويظهر بس عايزة اقولكم إنه هيكون نقطة تحول في الرواية..
"شهيرة" و "عادل" و "رحمة" مجرد ناس لابد من تواجدهم مع أن أدوارهم بسيطة أوي ولكن هما بردو مهمين لرسم قصة وموقف وحدث ومعاهم "عبده" و "طارق" و "حمادة"
دول أهم ناس في الرواية الباقي بقى زي أهل "جاد" و "سمير" ووالدة "هدير" طبعًا دورهم واضح جدًا ولسه دور أم "جاد" هيظهر أكتر مع مرات ابنها وابنها ذات نفسه.. الرواية لسه في منتصف الأحداث بالظبط واللي عدا كله خفيف اللي جاي هو الأهم واللي يخوف بجد 😂😂..
للأسف بقى الفصل السادس عشر من رواية كان المفروض ينزل امبارح على المدونة وبكرة هنا بس مش هينزل بسبب فقدان الشغف الفصل متكتبش منه حرف للأسف وفقدان الشغف ناتج من قلة التفاعل أو التقدير خليني أقول كده لأني فعلًا بسميه تقدير، فـ من حقي أخد وقتي في الكتابة زي ما انتوا كمان بتاخدوا الفصل ومش بلاقي مقابل، طبعًا في ناس على راسي موجودين دايمًا ولكن معلش اعذروني هتأخر شوية في تنزيله، ومع ذلك هنزلكم اقتباس منه بكرة ❤️❤️
مش عايزة حد يزعل مني من الناس المتواجدة دايمًا بس أنا بواجه ناس ما شاء الله ببقى أول مرة بشوفها وبيبقى هجوم فـ معلش الفصل هينزل في معاده الجاي..
أشوف آرائكم بقى على المناقشة دي بما يرضي الله ووجهة نظركم علشان أحدد انزلكم اقتباس مفرح كده وجامد ولا يهبلكم وتتعلقوا للفصل الجاي😂؟..
دمتم بخير ❤️❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الغلاف ده عنوان الفصل الجاي! أو الاقتباس زي ما انتوا عايزين
