السلام عليكم حبايب قلبي، وحشتوني والله جدًا ولينا لقاء قريب إن شاء الله، المهم دلوقتي أنا جاية أتكلم في حاجه مهمة أنا مش عايزة اضايقكم والله ولا أظهر بصورة الكاتبة الوحشة اللي أي حد بيقولها أي حاجه تقوم منزلاه، ولكن أنا بنزل الحاجه اللي مايتسكتش عليها وفي كتير كلام سلبي بعديه بس بمزاجي، ولأني كمان حالفة مش هسكت لأي حد بعد كده يجي ناحيتي بكلام، المهم النهاردة على الفصل الخامس والعشرون من رواية "ندوب الهوى" كتبت إحداهما واللي هي تحت في الاسكرين إن فكرة روايتي نفس فكرة رواية الكاتبة دهب عطية، وأنا فهمت على طول هي بتقول على اهني رواية لأني وربنا يشهد عليا قرأت نصها وواقفة عند الفصل الرابع والثلاثون والكاتبة دهب بنفسها عارفه كده والله وهي كاتبة جميلة وبحبها وبكنلها كل الاحترام واتعاملت معاها واتكلمنا عن الرواية والدنيا حلوة، وللعلم الروايتين مفيش بينهم حاجه مشتركة غير إن في أبطال عندها منها عايشين في حارة، حلو كده؟ حلو أوي رديت عليها كويس وبكل احترام وفهمتها وقولت نصيحة إنها متقولش كده تاني غير لما تكون متأكدة لأن ده بيعمل مشاكل طبعًا وبعديها نزلت في جروبي بوست بسأل للتأكيد يا جماعة الرواية تشبه أي روايات تانية؟ وأنا عملت كده لأن في متابعين مشتركة بيني وبين الكاتبة والحمدلله الكل قال الرواية مفيش زيها، دخلت الواتباد اتفاجات بردها الو'قح للأسف، يعني ايه حتة بت دي؟ هو أنا بلعب معاكي في الشارع ولا ايه؟ اومال لو كنت اتعصبت عليكي كنتي عملتي ايه دا أنا طبيعي خلقي في مناخيري، والله صاحبتي استغربت ردي وقالتلي اشمعنى طلعتي هادية عليها.. أنا مش بت زي ما قولتي عندها عشرة ولا اربعتاشر ولا تمنتاشر سنة مع إن تمنتاشر يبقى شحط مش عيل.. العيل بجد هو أنتِ بسبب أسلوبك وطريقتك وكلمة عسل بيقولها العيال اللي لسه طالعه وكمان أنا بكرهها والله فجات على الجرح اتمنى بقى كل حد و'قح يخرج من عندي مايقراش ليا تاني علشان أنا مش هرد عليكم أنا هنزل كلامكم علني وبعدين اديكم بلوك اشطا؟ وكل الحب لحبايبي وقولولي هل فعلًا الرواية ليها شبيه في الفكرة أو المشاهد أو أي حاجه؟.. وانتظروا بطلنا الجديد "عامر القصاص" اللي هيولعها ناااااااااااار أقسم بالله 😂😂♥️♥️
أنت تقرأ
ندوب الهوى "ندا حسن"
Romance"يدعي دائمًا في صلاته لتكُن من نصيبه هو، لا يدري كم من مرة بكى عندما كان يشعُر بضياعها من بين يديه!.، على الرغم من ذلك لا يستطيع التحدث أو البوح لها بما يشعر به داخله لأنه يعلم دينه الصحيح، رفض والده كان قاطع ولا يحتمل النقاش وهو بار به كثيرًا ولا ي...
