شد عصب

اقتباااااسااات

#إقتباساااات #شدعصب
ــــــــــــــــــــــــــــــــــــ
حادت بجسدها بعيدًا عن جاويد لكن إقترب جاويد منها بقصد وأمسك إحدى يديها ووضع بها تلك العلبه المخمليه.

نظرت بإستهزاء لتلك العلبه  التى بيدها قائله:
جايبلى هديه بمناسبة أيه عيد ميلادى لسه عليه بدري كمان مفيش أى مناسبات قريبه.

إبتسم جاويد ووضع يده حول خصرها قائلًا:
بس دى مش هديه، إفتحي العلبه وشوفى فيها أيه.

زفرت نفسها بتهكم، ثم فتحت  العلبه على إعتقاد منها أنها ربما فارغه، لكن شعرت بفرحه عارمه وحزن  فى نفس الوقت لكن تفوقت الفرحه وتدمعت عينيها  لا تعلم السبب أحزن أم فرح، لكن نظرت لوجه  جاويد وهى ترفع ذالك السلسال من العلبه تنظر له بشجن  كأنه كنز غالي إفتقدته وعاد إليها  قائله:.
دى سلسلة ماما وسليمه، إنت صلحتها!.

شعر جاويد  بغصه من تلك الدموع المتلآلآه بعيني سلوان، لكن زالت تلك الغصه حين شعر بيدي سلوان تعانقه بتلقائيه بلا إنتباه منها، عاد برأسه للخلف رأى خجل سلوان التى  سُرعان ما أنتبهت وسحبت يديها من حول عُنقه تُخفض وجها بحياء تنظر للسلسال الذى بيدها ودموع سالت فوق وجنتيها، رفع جاويد يدهُ ومسح تلك الدموع وقبل وجنتيها ثم حضنها هامسًا جوار أذنها:
دموعك عندي غاليه يا سلوان...صعب أتحملهم.

عانقته سلوان بحياء،شعر بنشوه خاصه لكن سرعان ما سئمت ملامحه حين سمع..... 
........ ـــــــــــــــــــــــــــــــــــــ.
نظر جواد لها بتعسُف وتحدث بإستهجان يحثها على الثوران:
إنتِ جبانه يا إيلاف، سايبه الماضي يتحكم فيكِ، بتخافى تواجهي بسببه بس ده ضعف وهروب منك مش بتكسبي منه غير إستقلالك من قيمة نفسك، كل ده بسبب شئ إنتهى فى الماضي، جواكِ هاجس خوف، حد يعرف إنك بنت "اللص القاتل"... هاجس
خلاك عايشه فى قوقوعه إنتِ اللى صنعتى حدودها وخايفه تخرجي براها للنور، حتى مدافعتيش عن براءة والدك، وحتى لو كان فعلًا مُدان إنتِ مش مسؤله عن جرايمه، إنت المفروض  تفتخري بنفسك وبس، وتقولى أنا إيلاف حامد التقى، أنا البنت اللى كافحت لحد ما وصلت إنها بقت دكتوره من صفوة المجتمع
المفروض تفتخري بنفسك مش تخافِ وتتواري خلف قوقوعه هيجي  يوم وتخنقك لو مخرجتيش براها.
....... ـــــــــــــــــــــــــــ
نظر زاهر لها بإشمئزاز قائلًا:
متفكريش إن عشان خلاص إرتبط إسمك بإسمي بورجة جواز يبجى تنسي نفسك  إنتِ إهنه زيك زى الخدامه، لاه مش زي الخدامه إنتِ ضيفه لوجت وإن شاء الله هيبجى جصير،ممنوع ألمح وشك فى الدار تلتزمي بمجعدك، واكلك وشُربك بميعاد ويكون وأنا مش إهنه فى الدار كيف ما جولت سابج مش عاوز ألمح حتى طرف چلابيتك...فهمتي.

ذمت شفاها بإمتعاض وردت عليه:
فهمت أنا مش غبيه ومكنش له عازه حديتك ده كلياته،وزين انى مش خدامه ضهرى كان هيتجطم من تنظيف الدار  دى، كفايه علي أنضف مجعدى، ومتخافش أنا وشي مش عفش عشان تخاف منيه بس هجولك .

قاطع حديثها قائلًا:
الرد يكون بكلمه واحده مش شريط وإتفتح، تجولى حاضر أو فاهمه مش موال هو.

ذمت شفاه تتحدث بخفوت.

نظر لها بزهق قائلًا:
هتبرطمي تجولى أيه، جولت مهحبش الرغي الكتير... حديتى واضح.

ذمت شفاها تومئ بمفهوم.

تنهد بزهق قائلًا:
ردى عليا وجولى حاضر أو فاهمه.

تنهدت بزهق قائله:
حاضر، فاهمه، هلتزم بالجعاد فى مجعدي بس إنت ناسي إن بكره الصباحيه وأبوي وخواتى،ومرت أبوى هيجوا عشان يصبحوا علي،أبجى انزلهم ولا أستجبلهم هنا فى مجعدي الشِرح ده و...

قاطع حديثها  بضيق قائلًا:
جولت بلاش رغي كتير، ووجت ما ابوكِ ومرته وخواتك يچوا يحلها ربنا.

برطمت ببعض الكلمات  مما جعله يشعر بضيق لو بقى أكثر أمامها لقص لسانها.