Addidinmu Labarine da yashafi kowa da kowa. Labari Mai Fuska Uku, Labarin ADM

Chptar 16

🤷‍♂️ *ADDININMU* 🤷

          S REZA...✍️

*First class writers asso...*

                 *PAGE* 1️⃣6️⃣

.......Haka samari majiya ƙarfi ƴan ƙungiyar Zainab suka doshi gidan Shek Kabir kabuga, bakajin komai sai zage-zage da ikkirarin cewar sai an fito musu da Saiyadar su kokuma kowa yaji a jikinsa. Ɓangaran Isa kuwa, gaba ɗaya hankalin sa ya tashi, tun yana kiran numbar ta tana shiga har yakoma kira yaji ance tana kashe, nan fa ya shiga kiran duk wani babba da yake a ƙungiyar tasu, dama manyan malamansu yana sanar dasu cewar Abdalha Kabir kabuga ya sace Zainab saboda waƙar buɗɗiyar wasiƙa, kowa hankalinsa ya tashi, haka dai kowa ya kasance cikin mamakin lamarin har zuwa washegari.

*ABDALHA POV*

Yana barin gurin Daddy ya koma gidansa ya shirya ya tafi gurin da zai gabatar da wa'azin. Haka ya gabatar da wa'azi sosai wanda yasa al'ummar dake gurin kowa ya jinjina masa domin kuwa wa'azin a kan iyaye matane yanda suke sakaci da yaransu, harda mazan ma. Yayinda wasu daga ciki suke mamakin sa ganin komai idan zaiyi irinna mahsifinsa ya keyi harta muryar su, idan kana sauraron karatun su, bazaka taɓa babbace muryar Shek Kabir kabuga da kuma ta ɗansa Abdalha Kabir kabuga ba. Saide ko idan kana kallonsu. Kaman dai yanda yasaba yauma bayan ya gama wa'azin saida yayi tsokaci a kan ƴan waccer ƙungiyar, musammamma waƙar da sukayi ɗazu, domin kuwa tsaf yaji waƙar har ƙarshenta. Saida ya caccakesu sosai kafin ya yi addu'a ya rufe karatun.

Gidan su ya nufo daniyar zuwa suyi magana da mommy. Kaman yanda yayi tsakanin, hakane kuwa ya faru, domin kuwa yazo ya samu  Sadiya ce ke koyawamatan da Maryam ke koyawa karatu. Cikin faɗa ya ce "Ina Maryam?

"Wallhi yaya anyi-anyi tazo ta koya musu karatu amma tace wai bazatayi ba.

Abdllah ya ce "Ina take? Yayi maganar cikin tsananin ɓacin rai.

"Tana cikin ɗakinta ko abinci taƙici, ko fitowama taƙiyi. Cewar Sadiya tana kallon yanayin yayan nasu. Da sauri Abdllah yayi ɗakin Maryam cikin zafin rai!. Ya kai hannu zai buɗe ɗakin yaji Nusaiba ta kwalla masa wani uban kira har bakinta narawa, ita kanta Maryam da take cikin ɗaki tana karatu saida ta tsorata domin kuwa da ƙarfi takira sunan nasa. "Yaya Abdalha!!!!!!!!!.

"Cak ya tsaya cikin ruɗewa domin kuwa yasan babu lafiya, itama Mommy da take ɗaki tana koyawa Nura karatu saida ta fito. Hakama Sadiya da ita da ɗalinbanta saida suka tsorata. "Da sauri ta ƙaraso gurin da yayan nata yake hannunta na rawa ta nuna masa abin da tagani yanzu ana yayatawa.

Karɓa yayi yana dubawa, dai-dai mommy da Maryam duk sun iso gurin. Suma kallon wayar sukeyi suna duba abinda ke cikin wayar. A kiɗime Mommy ta kalli Abdalha wanda ya kafama wayar ido yana kallo. Tabbas bazaka gane halin da yake cikiba, domin kuwa babu alamar yaji tsoro ko mamaki, ko firgici.

Mommy ta ce "Abdalha me nake gani? Shin da gaske kaine ka sace ta!? Mommy tayi maganar bakinta na rawa kamar zatayi kuka ba. Cikin zuciyarta ta ce "ya Allah karka nunamin wannan ranar. Maryam kuwa wani irin dariya ta bushe dashi tana cewa "To ai basai an tambayaba, ninasan yaya son Zainab yakeyi kuma bazai iya faɗa mataba shine ya sace ta, ai kuwa abun zaibada citta, kunga kafin ya dawo da ita soyayya tayi nisa. Ta ƙarasa maganar tana mayarwa da Nusaiba wayar sannan ta juya zata koma ɗakinta.

*NANA* *POV*

Cikin mamaki ƴansanda suke kallonta jin yanda tayi maganar cikin ihuuu. Wannan ɗan sanda da ta kira da wannan ihune ya nufo gurinsu cikin ɓacin rai, yana zuwa ya wanke mata fuska da mari, kafin ta ankara ya ƙara mata, wanda yasa Nana faɗawa jikin Innah ta saki wani kuka mai ƙarfi, itama Innah kuka takeyi. Cikin muryarsa da suke tsananin tsoro ya ce "Dan uwarki ko ance miki nann gidan ubankine da zaki dinga magana yanda kikeso, yana maganar yana buɗe gurin da makullin hannusa ya tura ya shiga, ya ɗago Nana daga jikin Innah ya ce "Wato ke mara kunyar ko? Banace karna ƙara jin muryarku anann ba? Duk abunda ya ke cewa inna bataji domin bada Hausa ya keyiba. "Kunci sa'a ku matane amma Walhi da sai kunsan kun shigo nann. Yana kaiwa nann ya turata ta faɗi kafin ya harari Innah yana ficewa daga gurin.