الجزء الثالث 💕
أما عند أفندينا رعد طول الطريق الصورة هيا هيا طول الطريق مرافقاته
صورة البنية الحلوة وعلى ماحاول ينحيها من باله عبثا حاول
وصله طيفها لعند فيلا العيلة
فيلا آل رزق الله ...وصل هوا وسيارة الحراسة الشخصية إلي كانت وراه
توجه على طول للباب الداخلي الكبير ومن صوت الدوشة عرف أن العيلة كلها متجمعة في الصالة الكبيرة
توجه لهم على طول وتكلم بصوت عالي: السلام عليكم ورحمة الله ياعيلة
أول من ناضت وجاته طول رهف إلي لما سمعت صوته ناضت طوووول بش تسلم عليه بعد ماكانت مقعمزة جنب رغدة وسمر :
عمو الرعد هيييييي
قامها في حضنه وعيونه تضحك :
حبيبة عمو وغلات عمو وبنية عمو إلي عمو مراااايف عليها واااااجد وقعد يبوس فيها بحب
رائد هو الثاني ناض لخوه وتكلم بعتاب: إيه إيه واضح مرايف بأمارة من لما جينا لقيناك مستقبلنا في المطار ..
مش لينا هنا قداش جينا ومالقيناك
رعد حتى هوا قرب على خوه ومازال ناهض رهف في غمره:
نا قلت مرايف عليها هيا مش لباتها أنت أصلا شكون جاب طاريك بس
حضنوا بعض بشوق
رغدة قربت منهم وجت بينهم :
هي هي أنت وياه مزطتوا البنت في وسطكم
الزوز شافولها لقوها قارنة حواجبها ضحكوا عليها،،
ورضا توأم رعد تكلم بضحكة:
يانا عليا نغرت النغارة وغمزلهم
رعد بعد على رائد وحضن رغدة بإيده الثانية: هذه بنوتتي محدش يكلمها أيوه
رغدة حضنت خوها بحب وسلمت عليه وباست خدوده
:والله رايفت عليك واااجد حتى نا ..
أصلا هنا مافيش غيرك حد يدلل فيا
رضوان خوهم الكبير كح بصوت عالي :
نحن هنا يا قوم
رغدة تحشمت من خوها مشت تجريله وقعمزت جنبه حطت راسها على كتفه:
لالا أصلا أنت كبيري ربي يخليك ليا يا تاج راس رغودتك
رعد ضحك بصوت عالي :
حقيتوا القطوسة باعتني بكحة
رضا قعد يناشب فيها:
مش منها مش منها ..
كنك أنت مش فاهم
فيه ناس هنا واعدينها ..
ودافعين لها حق طرحات الفرح إلي موصية عليهن أون لاين من باريس بهاديك الحسبة
رغدة شافت له بربع عين :
اسكت أنت ياشهدار كانك مش عريس تشوف شن ندويلك بس خلاص عدي في حالك
خود راحة من لساني لعند يكمل شهر العسل وبعدها نخلصه فيك تالت ومتلت
رضا دار روحه خاف حط يده على فمه:
لا لا إلا لسانك سألتك بالله قوليله يخطاني ونا هاه سكتت خلاااص
ضحكوا عليهم الموجودين وأمهم
إلي كانت فرحانة بيهم كان ليها وقت طويييل مشافتش أولادها ملتمين..
خدتهم الدنيا وهمومها إلي غرقتهم
وبعدتهم عن بعض
كمل رعد سلامه على باقي عيلته وفاتت ليلتهم في سهرة حلوة كان ليهم هلبااااا عليها..
باتوا الشباب مع بعض في دار كبيرة
في الدور الأرضي كيف مامتعودين لما يتلاقوا وكل حد فيهم يحكي عن شن صاير في حياته في الوقت إلي كانوا فيه بعاد عن بعض بالمسافات
والبنات ركبوا لديارهم في الدور الثالث وباتوا حتى هما مع بعض
أنت تقرأ
حين يعصف العشق❤
Romanceروايتي الأولى 😍😍 شخصيات روايتنا عايشين في 2 مدن ليبية، المدينة الجبلية الشامخة يلي سطرت قصص آمال وآلام ،، يلي كانت فيها نهاية حلم ،، وبداية حب❤ قصص حفرت بشموخ في جبالها وصنعت بإصرارها وديان جارفة زي طوفان انتقام آتي من بعيد... ومعالم حالمة حترسم...
