الجزء الرابع و الخمسون
في نادي الفروسية رغدة كانت تلعب هيا و رهف بنت خوها و جوهم حلو
و في طاولة جانبية بعيدة عليهم
رائد و سمر كانوا مقعمزين بروحهم
و رائد شاد في يد سمر كأنها بتهرب منه
و قلوب الحب تتنطر حواليهم😊💕
رائد : لو تعرفي يا سمحتي قديش رايفت عليك
أرياف ماليهن أول و لا آخر
سمر : و أنا يا عمري رايفت و مازلت مرايفة عليك
لعند توا
و ما صدقت تلاقينا عشان نطمن عليك و على صحتك
رائد حبيبي أنا من لما كلمتني رغودة أمس
عشان لقائنا هذا
و أنا نفكر في شي لو نقدروا نديروه
حنرتاحوا و نكونوا لبعضنا و مع بعضنا طول العمر
لو قلت لك حل يجمعنا توافقني؟
رائد : قوليلي حبيبي أي شي
أي شي يخليني نكون ليك و معاكي أنا حاضر انفذه
و أنا مغمض عيوني يا عيوناتي السماح أنتي
سمر تلفتت جهة رغدة و رهف و تكلمت بتردد:
أنت في ..
يعني بعد تزوجت المرحومة جلنار خذيتها غصبا عن
هلنا كلهم
و مادورت حد و لا سألت رأي حد
بعد لا رفضوا زواجك منها
رائد أنا مستعدة ندير معاك نفس الشي
و رائد عقد حواجبه و متكلمش
و لما سمر مسمعتش ردة فعله
تلفتت عليه ثاني و تكلمت بنبرة صوت
أقل : يعني رائد نبي نقولك لو هلنا .....
و رائد قطع عليها بعد لا فهم شن كانت ناوية تقوله :
لأ لأ لأ ..
الموضوع هذا تشيليه من رأسك سمر
تسمعي فيا؟؟
تشيليه نهائيا
مستحيييييل و لا ممكن يصير
سمر تلفتت حواليها لما صوت رائد العالي
لفت أنظار المقعمزين حواليهم
: ليش لأ بس
نحنا شبه تصكرت كل الأبواب في وجوهنا رائد
.. و ارتباطنا لو رفضت هالحل هوا إلي
حيقعد مستحيل صدقني
رائد بصوت منفعل :
أنتي مش سامعة نفس فيش تحكي
أنتي بنت عمتي سمر ..
تعرفي شن يعني بنت عمتي
يعني أمك تقعد أخت باتي
و جدك و حنك هما هما نفسهم جدي و حني
و خالك يقعد عمي
لذلك أنا قتلك كلامك هذا مرفوض جملة و تفصيلا
و بعدين أنتي قلتيها بعظمة لسانك...
شبه كل الأبواب تصكرت
بس مش تصكرت تماما
و لو فعلا تصكرت أنا مستعد نحفر بإيديا هاذينا في
الساس عشان نلاقي باب نخش
بيه لهلك و نقنعهم
مورا بنيتي بالله عليك بلاش هالسيرة
أنا مش حنطلعك من حوش باتك إلا عروسة
و لابسة فستانك الأبيض عروسة و ملكة
زيجة الخطيفة هذه تنسيها تماما
سمعتيني حبيبي
سمر بعيون محبوسة فيهم الدمعة و بصوت عالي :
ليش بس ليش؟؟
معقولة كنت تحب مراتك أكثر مني؟؟
حبيتها أكثر ما أنت قاعد تقول أنك
تحبني ؟؟
ليش تكذب عليا ليش؟
رائد : سمر لو سمحتي نقصي حسك
لو سمحتي
سمر بإنفعال و عصبية :
مش منقصة شي مش راح انقص صوتي و لا شي
هيا الله يرحمها بعد حبيتها
تحديت الدنيا كلها و خذيتها
و حتى بعد هلي رفضوها سيبتهم و استغنيت
عنهم و قعدت معاها و ممكن لو مازالت حية
كنت أنا حنقعد مجرد عنصر مهمل
قاعدة في تركينة في الظلمة و عمرك
ما كنت لا حبيتني و لا حتى انتبهت لوجودي و حقيتني
بس الحق مش عليك الحق عليا أنا إلي
عاندت بابا عشانك الحق عليا أنا مش عليك يا رائد
أنت تقرأ
حين يعصف العشق❤
Romanceروايتي الأولى 😍😍 شخصيات روايتنا عايشين في 2 مدن ليبية، المدينة الجبلية الشامخة يلي سطرت قصص آمال وآلام ،، يلي كانت فيها نهاية حلم ،، وبداية حب❤ قصص حفرت بشموخ في جبالها وصنعت بإصرارها وديان جارفة زي طوفان انتقام آتي من بعيد... ومعالم حالمة حترسم...
