حين يعصف العشق❤

💎💎

نهاركم سعيد غالياتي
طبعا مفيش جزء اليوم لأني مدايرة حملة تنظيف للحوش
التراب و الغبار قريب ردموني
غدوة إن شاء الله بنكمل كتابة
نعتبر وصلت في الثلث الأخير من الرواية
و قررت منستعجلش في الأحداث
بش كل حدث يأخذ حقه و الرواية تكون زي ما نبيها
نبيكم توسعوا بالكم معاي شوية
لأنه الأحداث الجاية حاسمة و مهمة و مليانة
تشويق و حماس و إثارة و أكشن
و فيه نقطة نبي نوضحها
و الله العظيم الجزء إلي فيه 5000 كلمة تقريبا يأخذ
مني في 8 ساعات كتابة
و ساعة مراجعة
زي مثلا اليومين إلي فاتوا لما نزلت الجزئين
51 و 52
و الجزئين فيهم أكثر من 6 آلاف كلمة

و مادرتش حتى حاجة من واجباتي في الحوش
يا دوب من فوق لفوق .. وسبق و قلت أنا أم
و متزوجة ليكم تتخيلوا قداش الموضوع صعب عليا
هذا غير التزاماتي خارج حوشي
مع عيلتي و خواتي و صديقاتي إلي كلها
فايتتها بش منتأخرش عليكم
و بعدين نلقى تعليق بعد عشرة دقائق من التنزيل
يسألوا أمتى الجزء إلي بعده
و لا يكتبولي متتأخريش علينا
متصدقوش كمية الإحباط إلي نحس بيها
و الله نحس في روحي كأني نحرث في البحر
لكن و الله قلبي كابر بتشجيعكم و تعليقاتكم و توقعاتكم الحلوة
و راني عمري متأخرت في التنزيل قصدا
و مايشغلش فيا عليكم إلا الشديد القوي

نبي منكم طلب بعد إذنكم

هل حنكون قليلة ذوق لو طلبت من كل قارئة
تشوف كل الأجزاء ال52 و إلي مصوتتش عليه
تصوت
لأنه فيه أجزاء فاتوا المئتين تصويت
و فيه أجزاء موصلوش للمئة تصويت

راهو موضوع التصويت بالنسبة ليا مهم مهم
يعني مثلا فيه في دماغي أفكار 3 روايات قويااااات
و أول منزل الجزء قبل الأخير من حين يعصف العشق
حنزللكم نبذة عليهم
و تصويتكم بالنسبة الأعلى هو إلي بيخليني
انزل أي وحدة فيهم هيا الأولى
يعني القرار ليكم
و طبعا مش حنزل و لا جزء منها لن نكملها كلها
و تقعد عالتنزيل فقط
بش ميصيرليش زي الرواية هذه

تصويتكم مهم ...
نبي نعرف الكتابة تستاهل الوقت إلي نقضي فيه
فيها و لا هيا مجرد هواية نحتفظ بيها لنفسي

و طلب زيادة عارفة روحي طماعة
ديروا لبروفايلي متابعة بش لما انزل أي عمل جديد
يطلع لكم
و انسخوا رابط الرواية في الواتباد
في أي قروب واتس أو فيسبوك أو لأصدقائكم
عالواتباد أو بأي طريقة تساعدوني
بش يقدروا يقروا روايتي
و إلي حابة تتفضل على مجموعة الفيس بوك
اسمها روايات ماسة

و آخر شي نحبكم نحبكم
و قلبي كبير بيكم هلبااااا هلبااااات
و عارفة اغلبكم بيقولوا خسااارة نحسابوه جزء جديد
سامحوني و الله مفضيت
غر قلت نفضفض معاكم شوية
ليلتكم سعيدة

Masa💎💎