حين يعصف العشق❤

45

الجزء الخامس و الأربعون

يوم الثلاثاء 3 يناير 2017
الساعة 8:35 صباحا

أسيل و أميرة وصلوا للكلية جابهم محمد بو أميرة
الجو كان مصقع لن خلاص
و السماء مغيمة مع أنه مفيش أمطار
شرين تليفون أسيل و أكيد المتصل
رعد العملاق ❤️
: ألو
رعد إلي كان مقعمز على سريره كيف مدوش
و ينشف في شعره
زي كل مره يسمع فيها صوت أسيل
قلبه يدق بقوة وشغف وحب
قعد يتكلم بحنان وصوت هادئ :
سيلتي صباح الحب ❤️
أسيل: صباح النور
رعد : لا هكا غلط.. كيف نقولوا
و أسيل تكلمت بخجل : رعد يا بااارد
رعد : نا إلي بارد ولا أنتي يلي الكلمة الحلوة نشحت فيها منك شحاتة عموما أنتي شكلك تبي عضه
من خدودك إللي يتاكلن إيكال بالك تشد معايا
عشان تردي عليا كيف ما أنا نبي
أسيل : رععععد مبردك
رعد : ههههههههههههه أنا إللي بارد ولا أنتي إلي جفاف أسيل: رعد شن جاك اليوم خيرك ؟؟
رعد : جاني أنه حبيبتي يلي نموت في تراب رجليها نعست واستخسرت فيا حتى حروف تحكيهن معايا قبل ترقد
يعني قلتيلي عميمة ترقد جنبي ما نقدرش نحكي معاك قلت أمري لله
بس تنعسي حتى مسجاتي ما تردي عليهم هكي واجد واجد يا سمحة
و أسيل تحشمت من لقطتها قالت له بخجل:
والله نعست من دون ما نحس بروحي تعبت أمس اليوم كله واقفة على رجليا ونايضة بكري
أسيل ديما تتجنب تحكيله مشاحناتها مع مرت عمها لما تصير .. ديما تحاول تحافظ على صورة حلوة في حياتها
لأنه أكثر شي متحباش الشفقة أو تحسس رعد أنها مكسورة أو ضعيفة.. و هيا عموما مع الناس كلها هكي
مش مع رعد بس تحب ديما تبان قوية و صعب تنكسر
و هالصفة وارثتها من أمها زي هلبااااا صفات
لأن أسيل شكلا كانت طالعة لبوها
و طبعها و طريقة تفكيرها طالعة لأمها
رعد بحنان : مش مشكلة غلاتي كنت اناغش فيك بس
نحبك بعد تقوليلي يا بارد
نوم العوافي يا عمري
بس تعرفيني مرايف عليك متمني نحكي معاكي كل لحظة كل دقيقة
أسيل : حتى أني والله استاحشتك هلبااااا
رعد : صغيرونتي أنتي قوليلي يا عمري عديتي للجامعة ولا ما زال
أسيل: إيه ليا عشرة دقائق واصلة
عمي محمد اليوم عنده خدمة بكري حطنا ومشي
رعد : كيف الجو عندكم أكيد مصقع واجد صح
أسيل: إيه مصقع و سكتت الجو جميدي
رعد : به يا عمري لابسة كويس
أسيل: أكيد كدست فانيليات فوق بعضهم ساد كليتنا جاية على جبل الصقع كله نروحوا بيه في جنابنا
رعد : أمتى يتمن محاضراتك اليوم ؟
أسيل: اليوم عندي ثلاثة محاضرات آخر محاضرة أتم الساعة 4
رعد : أووووو واجد هكي يا عمري
أسيل : الله غالب هي شن بنديروا
(لقمة العيش صعبة ياابني )
قالتها بالمصري و بصوت عزوز كبيرة
و أصلا بنقعد للخمسة أميرة تكمل متأخر بش نروحوا
مع بعض
و رعد ضحك عليها بصوت عالي :
هههههه باهي يا صغيرونتي
نا عندي شغل واجد اليوم و احتمال منحكيش معاك
طول النهار بس بعد نكمل حنبعت لك أكيد
خليك فاتحة نت في الليل نهدرز عليك
قبل تنعسي .. ماشي سيلتي
أسيل: تمام ..
رعد : ديري بالك على روحك
و لو احتجتي أي شي في أي وقت ابعتيلي رسالة
رقمي هذا مش قافله عشانك
ماشي حبي
أسيل : ماشي
رعد : على فكرة فيه كلام واجد حلو تقدري تقوليه ليا
يعني صقع و جفاف واجد و هلبا عليا هكي
أسيل : هههههه حلوة منك هلبا
و أني نحبك واجد
رعد : لا صلحيها نا مش أني
أسيل : و نا نحبك وااااجد
رعد: هههههههه وقعتي في الفخ يا هبلة
سمعت نحبك بدال المرة أثنين
أسيل فتحت عيونها : يا لئيييييييم
رعد : ههههههه يا نور عوينات اللئيم يا دنيتي أنتي
و أني نحبك هلباااااااااا
سلامات سيلتي❤️❤️
أسيل : سلامات ❤️❤️