الجزء الثالث و الخمسون
الأيام في حياتنا على حلاوة هلبا لحظات نعيشوها فيها
إلا أنها تكون لحظات .. لحظات تطول أو تقصر إلا
أنها تكون مجرد لحظات
مسبوقة بحزن أو متبوعة بحزن
يظل دوام الحال من المحال
و أماني إلي في هاللحظات محمولة بين إيدين حبيب عمرها و حلم مراهقتها و صباها و شبابها
قلبها مليان فرح لأنها و أخيررررااااا حققت حلم حياتها
و عيسى حتى هوا كان حاس أنه قايم سعادة العمر
في حضنه و بين إيديه
أول ما طلعوا من قاعة الأفراح و عيسى حط
أماني في كرسيها في سيارته إلي بيزفها فيهارجع بخطوات بسيطة لأسيل إلي كانت لابسة
عبايتها و خدي منها شنطة صغيرة لأماني
مجهزتها للدخول و مدلها مفتاح سيارة
و أشر لها على مكانها
أسيل في هاللحظات كانت تقاوم في دموعها
و على ماقلبها معبي بالفرح
على قد مالغصة خانقتهارجعت للصالة نادت على أميرة و طلعوا مع بعضهم
و معاهم بيسان شادتها في يدها
و ركبوا في السيارة إلي عيسى أعطاها مفتاحها
و أول ما ركبت فيها و شغلتها
عيسى دار على حديقة الصالة باتجاه باب الخروج
و السيارة إلي بعده كانت السيارة إلي
تسوق فيها أسيل
و هيا إلي طلبت من عيسى يخليها تسوق وحدة
من سياراته ليلة حفلة عمتهاأول ما طلعوا من سور القاعة كان موكب سيارات
أصدقاء و أقارب عيسى طلعوا وراه بسياراتهم
وسط إطلاق الألعاب النارية
و الكلاشنات و منبهات السيارات
و أكيد رعد العملاق كان أول المتواجدين و إلي
تفاجأ هلبا بأنه أسيل تسوق
لأنه هالمعلومة جديدة عليه
و ميعرفهاش قبل هكيو طلع موكب العروسة باتجاه عش الزوجية
حوش عيسى و أماني إلي أصرت أنه دخولهم
يكون فيه ميكونش في فندق زي ما اقترح عيسى
لكن هيا قالت له أنها تبي
ليلتهم الأولى تكون في حوشهم
مش في فندقو في سيارة العرسان الصمت كان سيد الموقف
عيسى كان شاد يد أماني بكل تملك و سعادة
و كأنه خايف يكون في حلم و يفيق منه
و أصوات دقات قلوبهم الثائرة طاغية على
المكان و عيسى مشغل أغاني إيهاب توفيق القديمة
و يسمعوا فيهم أغنية وراء أغنيةنفسه الهدوء في سيارة أسيل و أميرة و بيسان
إلي كانوا ملتزمات بيه تماما
بيسان إلي مقعمزة في حجر أميرة
و أسيل إلي تسوق و تحاول قد ما تقدر دموعها متخليهمش ينزلوا و هيا فاتحة الفليتشات و يدها منحتهاش من على منبه السيارة
و وراها مباشرة سيارة رعد إلي مخلاش حد يجتازه
بش يجي وراها بسيارتهمع أنه أسيل ديما تحاول تبين قداش هيا
فرحانة لعمتها لكنه عارف مشاعرها
و إحساسها في الوقت الحالي
و بعد دقائق وصلوا السيارات لزنقة السوق
وين مافيه حوش العرسان
و استمرت الألعاب النارية لن خشت سيارة
العرسان لسور الحوش
أنت تقرأ
حين يعصف العشق❤
Romanceروايتي الأولى 😍😍 شخصيات روايتنا عايشين في 2 مدن ليبية، المدينة الجبلية الشامخة يلي سطرت قصص آمال وآلام ،، يلي كانت فيها نهاية حلم ،، وبداية حب❤ قصص حفرت بشموخ في جبالها وصنعت بإصرارها وديان جارفة زي طوفان انتقام آتي من بعيد... ومعالم حالمة حترسم...