Title: Bolpen at Nutbok
Magsulat
Yan ang hilig kong gawin
Kalauna'y naging gawain na din
Ng kung anu-anong tumatakbo sa isipan
Ang paglalakbay ng diwa'y abot hanggang dalampasigan
Ang bolpen
Na hawak ko't pag-aari
Luluha ng mga salitang pili
Sa nutbok kong sinulatan ang luha'y nagmarka
Ng iba't ibang damdamin, pangarap at adhika
Sa pagsusulat
Oras di alintana
Kahit kumakalam ang sikmura
At sa paghinto ng paklalakbay ng isip
Agad kong babasahin ang sinulat kong silip
Pagkat
Sa pagsusulat ko'y nakakapaglakbay
Saan mang lupalop, sino mang kaagapay
Tanging dalangin lang na ang mga titik sa nutbok
Katulad ng bolpen ko, nakasulat ay maarok
Masaya
Paglakbayin ang kaisipan
Pagtagpuhin ang hilaga at kanluran
Sa munting piraso ng nutbok mong pag-aari
Simulan mong sulatin ang bukas mo't ipagwagi
Bolpen at nutbok
Sa kamay ko'y hawak
Pilit inaasam, pangarap kong pinalawak
Kinabukasan sana sa bolpen ko't nutbok
Ang bawat naisulat. Matupad. Maarok.
©copyright2015
@haydenagenda
BINABASA MO ANG
Poem
PoetrySometimes we feel like writing down what we feel. I compiled it in this piece. Poems, Haikus (my own format 7-5-7), Sonnets, Thoughts and some Literaries. Most of the time, we feel relieved once we expressed what we feel and this is how I do it. My...
