قانون الذئاب

بارت 1

اليوم  انسلط الضوء على ابطال جدد ورحله جديده

حيث ان الحياة لا تخلو من  المشاكل  ولا يوجد فيها عداله 
ننتقل الى احد البيوت الدافئه   في احد الاحياء القديمه  في بغداد     قراءه متعه 

...

..
 
- يله بنات  كومن يما مدرسه   وراجن طريق طويل

مهى - اي ماما  هاي اني كمت  لج سهى  دكومي عاد مو كل يوم ماخرتنه

سهى - كايمه كايمه  يبوووي متخلون واحد ينام  فد خمس  دقايق

سمى - وهيه الخمس دقايق بشنو تفيدج بله  اصلا حلاتها تكضيها يم صينية الريوك اوويلي

سهى - على كيفج  لا تخلص الشيدر والعسل والكاهي 

هيه بيضات من دجاجه ام اخلاص  لو طماطه لاجعه

مهى - كولي حمد لله  غيرنه ملاكيها

سمى-  سهى ليسمعج  ابونه ينقهر خطيه    يلا اني خلصت انتضركم يم الصينية

مهى - اني هم جايه  يله لج سهى لا أتخرينه مثل كل مره نترزل من وراج

وطلعت  للهول  امي كاعده يم الصوبه وابويه يمها والجاي وصينية الريوك  وفعلا مثل مكالت سهى طماطه لاجعه
صبحت على امي وابويه   ملحكت  اجي اكعد سمى  ماسحه كلشي 

مهى- ولج ادري ماكو اوادم وراج

-  بابه يضحك ويكلي  عوفيها خطيه اختكم

مهى  - يابه فدوه رحتلك بغض النظر ظلينه بلا ريوك بس شوف البنات كلهن يضحكن عليها 

سهى -  اصلا صرت استحي امشي وياها  ما عبالك اختنه

عاط ابويه سكتي شهالحجي  احترمي اختج ولج

سمى زعلت وطلعت
تمشي قبلنه
طلعنه اني ومهى  وراها مترضه تحجي ويانا

سمى حلوه  بس دبدوبه  شويه   اذا شافت الاكل تنسى نفسها  هاي لو ناكل مثل الناس   يمكن تنفجر

مهى -  سهاوي تره كلماتج ثكال  ويا اختج تدرين بيها   على نيتها وفطيره  والشي الوحيد الي تعرفه بالدنيا الاكل

سهى --  سكتي بربج دباعيها كل عمرها  15 سنه بس تبين اكبر مني ومنج

مهى - ميخالف نصيحيها علميها   بس لا تجرحينها  دمشي يله روحي صالحيها خطيه تمشي ودمعتها بعينها

سهى - ظلوا اتصرفو وياها بهاي الطريقه   عمرها مراح تتعلم  ، 
اني ما اكره اختي بالعكس سمى انقى انسانه يمكن شفتها  گلبها گلب طفل    وما تاذي احد بس  انقخر عليها دائما اشوف الطالبات يضحكن عليها  وحتى المدرسات

  اشكد نحجي وياها ميفيد   رحت اتقربت منها  بوستها   سامحيني اني اريد مصلحت والله

مسحت دموعها  وضحكت ما ازعل منج اني

رحنه مشينه للمدرسه 
مهى  اختنه الكبيره  احساها ساعات تاخذ دور الام رغم بيني وينها سنه وحده

امي و ابويه اتزوجو على كبر وهم خلفو على كبر   ابويه عمره 60  سنه وامي 50      بس اشكالهم تعبانه الفقر يهلك صاحبه   عايشين  بالقدره احنه

مهى  - وين صافنه امشي بسرعه راح يدك الجرس 

.احنه ناس على كد حالنه   عايشين  باحد احياء   بغداد  او بالاصح بقايا احياء لان اكثر الناس  باعو بيوتهم وطلعو من المنطقه    بقينه احنه كم بيت  معدنه مكان انروح واصلا البيوت تابعه للدوله هم مو ملكنه   بس الحمد لله  عدنه سقف يلمنه احسن من غيرنه  

بس اختي سهى  معاجبها ودائما  تحجي وتباوع للفوك    وهالشي الي جان يقلقني منها

سمى اختي  عكس سهى  فقيره وفكيره وكلبها كلب طفل   ما تزعل بشر  وكل هم بحياتها الاكل 
ورفيقه لدرجه  انصيحها ام دميعه 

.
.
.
.
في مكان اخر
..
–  صباح الخير يابه همزين لكيتك كاعد

— هلا ابني  شعندك اكيد اتريد فلوس

—والله يابه صح فلوس وهم شغله ثانيه

— شنو هيه    اسمعه

— شفت قطعه بحي ......
  وكلش عجبني الموقع  هنه بيها كم بيت تعبانات  والا باقي الحي  بناء راقي و مولات  ف شوفلي ابو مرتضى  خلي يشوف منو صاحب هذا العقار

— وانت ليش الا هالمكان اكو يا ابني قريب دجله  و اماكن حلوه

— لا يابه هنا ماكو صالات جم  واني اريد افتح الفرع الثاني 
  والموقع كلش ممتاز  بس ينراد صرف

_ الله كريم خلي اشوف ابو مرتضى