رحت ادك بابهم وسمعت صرخه
اتخبلت ظليت حيل ادك بالباب وعيط سهى
اختفى الصوت بيت جبير معرف اذا سكتت او دخلت جوه
ظليت ادك بكل ما عندي قوه الباب ميتحرك
شنو اسوي فقد الامل باختي واجت ببالي اشياء هدت حيلي
باوعت على سيارته ظليت ادور على شي اكسر جام السياره بي عسا يسمع ويطلع
شارع نظيف حبة رمل ماكو دمار نفسي مريت بي
رجعت ادك بالباب محد يطلع ولا احد بالشارع يسمع و يطلع يكول شكو
تعبت كعدت يم الباب ابجي واردد بگلبي
لج سهى وينج اشجابج هنا
بالربع ساعه انتبهت اكو طابوكه صايره جوه التاير مال اسياره كمت سحبتها وفلشت بيها الجام وحتى على بيبان السياره وفعلا شويه وطلع بالشورت صاح شكو
شافني اتصنم بمكانه
واني شفته انصدمت بمنظره
دفعته ورحت اركض جوه و اصيح وينها ولك وينها
طلعتلي من غرفه اتصير جوه الدرج ببيتهم لافه روحها ومنظرها يشل الحال
باوعتلها انمردت روحي اختي حالتها تكسر الگلب هزيت راسي بعتب وكاني اكللها شكتلج اني
محجيت اي حرف وياها هو واكف راح اتمشه على التخم
- اخذي اختج وطلعي
التفتت عليه كاعد ويفرك بوجها
- اتقربت منه تفلت بوجها
- ثق بالله مراح تتعده بسهوله يا نگس
كام وكف لزمني من شعري
- اختج هيه شمرت نفسها عليه هيه اجت وياي ما جبرتها على شي اني
- ظليت اضرب بي و ادفع واريد افلت شعري من ايده
لك حيوان شوف وجها كله دم شوف منظرها هاي مو شكل وحده ممجبوره
عضيت ايده حيل خليته يطفر كام ضربني راشدي ودفعني وعاط
اخذيها و ولي لا اتلحكينها بالي سويته
سمعت هيج وتخبلت منه اخذت مزهريه شمرتها عليه بس حرامات ما وكعت براسه رحت على سهى عدلت ملابسها
رادت تحجي مخليتها كلتلها بس نطلع منا لا ارتكب جريمه
نار تغلي بگلبي على اختي وتصرفها ونصحتها وما اخذت نصيحه وهاي تاليها
وين اوديها هسه اذا ادخل للبيت بهذا المنظر امي تموت
للصالون لا ننفضح
ماكو غير بيت نهشل هو اخو طالع ومخبوصين حتى عليه ميتصل
صعدنا كيا ورحنه
- وين رايحين مهى
- جسمي كله يرجف وكوه لازمه اعصابي ، وين منروح انروح قابل ظل شي ينخسر
- اذا اهلي عرفو يموتون
- سكتي مو وكتها العالم اتباوع علينه
وصلنه للمنطقه نزلنه للبيت وفتحت الباب همزين ممغير مكان المفاتيح وسيارته مموجوده ارتاحيت شويه
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
