قانون الذئاب

بارت 30

دخل السلام عليكم والبقاء لله

وعليكم السلام  اشكرك الله ليضرك

  يا ربي فلا اطيقه

بس اختي طايره عبالك معرف منو داخل علينه

راحت جابت الجاي وكعدت

طبعا اني اعتذر ما اجيت كل الفتره الي فاتت
بسرعه التفتت عليها خزرتها  ليش اتكول اجه وهو مواصل 

دنكت راسها ومحجت شي

- عادي الدنيا تلاهي  واصلا انت مينعتب عليك

- شقصدج مينعتب عليه  خبل مثلا لو شنو احجي  مهى

- لا العفو اقصد منه وبينه وبتسمت ابتسامه صفره بوجها وهو فهمني داستهزء

-  اها خوش اختصرتيها دام اني منكم و بيكم بصراحه
ما اقبل مرتي تسكن هنا وحدها هيه و اختها وثنينجن صغار

   - وبله وين اوديها المرتك اسكنها بالجوامع  لو فنادق خمس نجوم  هذا الموجود  عيني

- تستهزئين حضرت جنابج   اني داحجي صدك بنات بهذا العمر ساكنات وحدجن ما ترهم

-  شنو اسوي مثلا  انطيني حل  يله اناجرلنه ام واب  لو نشتري اخ  . ولزمتني العبره  ببلعومي   اويلي علي الماعنده احد  سكتت مكدرت اكمل

- اني عندي حل ولهذا جاي   مهى اني  اح اخذ زوجتي  من باجر اتجهز نفسها  وتجي وياي

- نعم شتفضلت بعدها امنه و اختنه مطالعات الاربعين   وانت تحجيلي بزواج جان استحيت

- لتكاليني بلسانج اني مكلت زواج     كلت اتجهز نفسها وتجي بيت زوجها

- وليش بهالطريقه  خلي تدور السنه  وتسوون عرس لو مو من حقها

-  وهاي السنه اتظل كاعده هنا   لا يابه ما اقبل

- بس احنه مراح نبقى هنا شفنه بيت يم عمو ابو اخلاص وراح نكعد يمهم

- ابو اخلاص مو عمكم رجال غريب  وهذا العندي  والا شتكولين سمى

- بكيفك حبييي الي اتشوفه

..
يعني صار ساعه  احجي عنها اريدها تفرح مثل باقي البنات    وهيه كسرت بيه طاح حضها 

- رحت يمها دفعتها  ، طبج مرض فوك مرض

عفتها ودخلت للغرفه وسديت الباب مقهوره على شنو اني 

شويه واسمع صوت الضحك والبوس

   هزيت راسي  باسف   غبيه غبييه

اتفقو يوم ثاني خلاص اتروح هيه ويا يجهزون كلشي

هنه يومين بس وكملو كلشي   وراحت للصالون جهزت نفسها  وسوت جسمها

بليلتها  ظلت تبجي   واجت حضنتني