امي من شافتني صحيت كالت اروح اشوف الدكتوره حتى نطلع
اتقربت يمي سمى باوعتلها منتظره تحجي
كالت ولج انتي حامل
ملخت روحي لطمت على وجهي شكول وشحجي وهذاك نايم بين الحياة والموت منو يصدك
حضنتني سمى اتهديني وتبجي وياي
- ولج شهدئ مصيبه و وكعت على راسي
- سكتي فدوه راح تدخل امي والله تموت لو سمعت
- ما تسمع اليوم تسمع باجر اتدمرت اني ودمرت اهلي
احجي واعض باصابعي ومخنوكه اريد اااصرخ مجاي اكدر خايفه امي تسمه لج اااخ اااخ اااخ
- باعي اوس يعرف كلشي واصلا خايف اكثر من عدنه
- كله منه الله لينطي هو وصلنه الهاي الحاله
- لا تدعين علي لو تشوفين اشلون ساعدنه
لفتت انتباهي بكلامها بس ملحكت اسئل شي امي دخلت و وياها الممرضه تقيس ضغط سكر
وضعي مستقر كالت تكدرون اطلعونها هسه وراحت
اتقربت امي يمي شبيج يمه ليش هالكد باجيه
- مبيه شي ليظل بالج ،بس هذا مشفى اهلي شكد يردون سمى مشفتيهم
- اوس اتكفل كلشي كال معليكم
تحجي ومبتسمه لا اختي وضعها مو عادي
هسه اني بياحال وين افكر خلي اشوف شصخم و الطم بحالي
راخت امي اتاجر تكسي ورحت اني عدلت ملابسي وطلعت اركض اريد اشوف النهشل
اجه اوس
- يمعوده ستري علينه وين جايه مكافي السويتي
- شسويت زوجي و اريد اشوفه اوس لتخبلني بعد عني
- انتي اكيد مو صاحيه ،جرني بعدني على صفحه وحجى ويا سمى عقلي اختج واخذيها و روحي النه حجي اهواي بس يكعد النهشل
مردت اطلع ضوجني بكلامه بس امي قيدتني مكدر احجي شي بس دخلت وشافت اوس واكف يمنه
كالت شعدجن هنا
- ماكو شي يوم اجينه نتشكر من الولد يله مهي امشي
-مشكور وليدي ما قصرت ابن اجاويد الله يخليك لهلك
- لا خاله ادللي اي واحد بمكاني يسويها اخذو راحتكم وخزرني وراح
سمى و اوس مفهمين امي اني واكعه كبال المستشفى و اوس شايفني ومدخلني للمستشفى امي مشايفه اوس لهذا خطيه عبرت عليها
طلعنه رحنه للبيت الدنيا سوده بعيني شلون احلها خايفه امي تعرف علامات الحمل كاعده علي صفحه وحاطه ايدي على خدي وصافنه افكر بظيمي
دخلت سهى هيه و ام اخلاص صابغه وحافه ومكمله كل امورها باجر الحنه مالتها باوعتلي كالت بطلي لعب وياي مهى احسن الج تره تخسرين امي و ابوي حجت هالحجايتين رافعه صبعها بوجهي وطبت
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
