دخلت يم عمي اشرلي اكعد يمه
رحت كعدت مسافه
- شوفي بويه اني كلام النهشل كله ما اقتنعت بي صحتج حتى تحجيلي الصدك وقبل كلشي خلي ببالج هاي الشيبات مو مجرد صبغ لا شافت وعرفت اكو حق و اكو باطل واكو كذاب و اكو صادق ف راح اعرف انتي اذا كذبتي او حجيتي الصدق
كلمة بويه منه هزتني واخذتني الذاك الرجال الي هد حيله على مودنه وبالتالي خذلته اني
- عمو اني راح احجي والصدك ولو النهشل محذرني
بس كلمة بويه منك تستحق اجازف
ضحك كال ان شاء الله انتي بنتي
سولفتله من اول مره اجه اوس ونطانه امر ازاله الى شلون ضربته لان مد ايده على ابويه وكل ما احجي يهز براسه وشلون النهشل ساومني بالزواج و و و و الى دخول جاسر للمستشفى
بس الاشياء الي اتخصني اني وامي والبنات محجيتها ابد
خلصت كلامي وكل هالوقت اني اسولف وابجي
- مسحي دموعج يا بنتي والجاي خير ان شاء الله
على فكره النهشل حجه الي اني وحدي كل الي انتي حجيتي بالضبط وحبيت اتاكد
باعي انتي ام اطفالنه وجنتنه اي زايحه غلطه ما اريد
الفقر مو عيب ومو احنه الي نستعار من الفقير
ابني لو جاي كايلي اريد اخطب افلانه اهم شي خوش بنت راح اوافق وبدون تردد
بس انتي و ابوج لو جايين اليه قبل كلشي هذا كله ما صار
- عمو مجنه نعرفكم نعرف فقط المكتب مال اوس
- عوفج من هالخسيس بعد الصار صار ولا بي رجعه ومثل ما كتلج انتي ام جهالنه
لازم تطبعين اطباعنه وتمشين بقانونه
ما فهمت عليه بس استحيت منه كتله صار
شويه ودخلت ام النهشل
- ها الحجي عنده اجتماع
- ضحك وياها لا اجتماع ولا شي مجرد نتعرف على بنيته الجديده
كلامه فرحني كمت اتشكرت منه وكتله اذا محتاج شي مني لو اروح
ام النهشل - اني اريد منج مو هو كعدي عندي كلمتين
- امريني خاله
ام النهشل - مثل مكال عمج انتي بنتنه الجديده مرت ابنه الكبير وام اطفاله يعني وجه للعائله
طبعنه وقانونه لبسنه اكلنه راح يصيرن هنه هنه نفسهن طبعج ولبسج وقانونج
تحجي وترفع براسها معرف دتعلمني او تنطيني اوامر
اني بس اهز براسي اريدها تخلص و اطلع ضجت
النهشل متزوج قبلج مرتين تره رنا زوجته ال رابعه
اني حسيت عيوني دتطلع شكد ما فتحتهن على وسعهن
أنت تقرأ
قانون الذئاب
Ficción Generalاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
