رحت سئلت على الشفيه
اسمه ايمن و امه سحاره تايبه لان صاير عليها القاء قبض قبل كذا سنه الاب معدوم بتهمت قتل شرف قاتل اخته و بدون دليل ف اعدام رايح بيها
الاخوه كل واحد بمحافظه هو الوحيد باقي يم امه
و اخت وحده كاعده عنهم مسافه متزوجه وعدها اولاد كبار
والنعم من اختيارج سمى
طبعا هاي العرفته من المنطقه و ابو جاسم وحلفته ميحجي وخاصة لسمى اني اكوللها
رجال خير كال بويه خليها تبتعد تره مو خوش قسمه ابد
كملت شغلي و العصر رجعت
لكيت مره جبيره بالعمر كاعده يم امي وسمى رجليها من الفرح متطخ بالكاع
سلمت ورحت ابدل و اجيت اكعد
ام ايمن - ويا خيه يا ام مهى احنه ناس تشتري الطيبين وهاي مثل مكتلج اني وابني وحدنه وعنده محل انشائيه
رفعت حاجبي اباوع السما اشرتلها يعني هاي ام ايمن
ضحكت ودنكت راسها
المره سيماهم في وجوههم سحاره وصدك شكلها يثبت اكص ايدي اذا تايبه
كعدت شويه وكامت
- ننتظر الخبر منكم
طلعت سمى سدت وراها الباب
شفت امي ممرتاحه للمره دخلت سمى
- ها يوم شفتيها وسمعتي منها
- يمه گلبي مرتاحلها ولا بلعتها اعوذ بالله منها
هاي امي لو تعرف الي اني عرفته يمكن تذبح سمى ومتنطيها
- لا يوم فدوه كعدي ويا الولد الا تحكمين معليج بامه واخذت الصينيه مال الضيافه و راحت للمطبخ رحت وراها
بالله عليج كل عقلج تتزوجين من هاي العائله
- ليش شبيهم
سولفتلها كل الي عرفته متوقعه اتغير رايها
بس بالعكس ضحكت
- حبيبتي ايمن سولفلي كل هذا
- و وافقتي بي
- مهى فهميني اني اريده للولد معليه بامه
- لا عليج حبيبتي هذا نسب هاي امه الي راح تعيشين وياها بنفس البيت تحركج حرك
- ارجع و اكول معليه بيهم اني حبيته اله معليه باهله
- لج ليش متفهمين شحجي ابو معدوم بقضية شرف
ميناسبونه ابد مو من ثوبنه
- ايباا عاد اشلونه احنه سكتي مهى الله يخليج لتحجيني
- لا شو احجي اني اريدج تحجين يمكن تقنعيني وبعدين تعالي لج شبينه احنه فقره اي بس شرفنه
مخلتني اكمل طكتها ضحكه بعلو صوتها صدمتني هاي شبيها سمى
- ههههههااااي ضحكتيني ام شرفنه معبالك وحده متزوجه بالسر والناس تحجي منين هاي الاطفال والثانيه اغتصبها وستر عليها وتالي ذيج هيه مشموره
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
