بالطريق اتصلت عليه ام عباس
هلو خاله شلونح مشتاقون
/ هلا بالبذات لكيتي صاحبه غيري ولج مو
/ لا والله انتي الاصل ، شخبارج والبنات شلونهن
/ الحمد لله الكل زينين ، اكول مهى هاي ام الضابط اجت مرتين للصالون تسئل عليج
/ شتريد مني بعد ظل شي مسوه ابنها حتى تجي اتكمل
/ لا حبيبه زواج ابنها الخميس وتريدج انتي ترحين اتسوين بناتهم ، بس منطيتها نشده عنج واصلا كلتلها ما اعرف مكانهم شالو
/ عرس منو بيهم
/ الضابط ، يلا حبابه اني رايحه ديري بالج على نفسج
،،وسدته
صدك نهشل دمرت حياتي وانت رايح اتعيش حياتك
ليش شنو غلطتي وياك بشنو اذيتك
اشكد بجيت بجيت ذاك اليوم وين شمرني وشسوه بيه اني حبيتك رغم كلشي وهاي تاليتي شمرتني هالشكل ورحت اتكمل حياتك ويا بنت اللواء اااه اااه يالنهشل
وصلت للكوفي وكملت شغلي وبالي مو وياي
لزمتني اوجاع كلش بنهاية الدوام اكو بنت وياي تشتغل صاحت على سرمد و اخذوني للمستشفى
كل عاده تقلصات حمل وكالت ولادتح قريبه كلش جهزي نفسج
طلعوني ودوني للبيت سرمد كال عذريني بس مكدر اتحمل مثل هاي المسؤليه هاي الايام لا تجين بعد و واوعدح بعد الولاده لو كمتي على حيلج بالسلامه مكانج موجود
وصلت للبيت ميته تعب وقهر و الم
رحت للحمام بملابسي سبحت بينما الجو مو حار بس روحي محتركه
دكت عليه الباب سمى
- مهى بيج شي صارلج اهواي بالحمام احجي
اسمعها ومكدر ارد عليها ومن ما رديت فتحت الباب وشافت منظري خطيه خافت
كومتني وبدلت ملابسي ودتني للفراش مثل الطفل
ما حجت ولا حرف هذا طبع سمى من اتشوف اخد مقهور متسئله شبيك اتخلي يرجع طبيعي الا تفهم السالفه
-الصبح سئلتني ليش هيج رجعتي البارحه شصاير وياج شفتي احد
- زواج النهشل باجر
وجريتها حسره شكدها
- خلي يولي الله ليهني ليش حارگه روحج على واحد ميسوه
- لتدعين علي مو زين واني مقهوره على روخي الضاعت واطفالي الي مصيرهم مجهول
دنكت ابجي كعدت امي اتباوعلي وهم ظلت تبجي وتهز راسها باسف
شفتها هيج طلعت رحت للصالون لا اخليها تتاذه اكثر
وبديت بيومي المتعب و الممل
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
