قانون الذئاب

بارت 16.

اخذتها  واجينه نطلع   

وكف بوجهي اوس
- وين  رايحه

- للبيت  وجودنه هنا غلط

- نهشل يعرف  راح تطلعين هسه

- مو مهم  يعرف او  لا   يله امشي سمى

- كعدي مهى  يجي زوجج وين متولين ولي   هو كال راح اتباتون هنا وين دترحين بلا خبالات  بله

-  اوس خلينه نطلع   الدنيا ليل وبعد منكدر انروح   انبات ببيتنه احسن

- اي بيت تحجين قصدج المخازن  ، افهمي انتي واختج هناك وحدكم مو امان

سمى -  بركاتك  صار بيتنه مخازن  هسه حضرتك دتستهزء 

- السانج لج  مجاي استهزء اني 
عافها والتفت عليه  رجعي مهى وعقلي ملنه خلك النهشل

- اليوم اني بايته هنا    باجر الي بعده  وانت سمعت كل هذا زواج مؤقت مدايملي النهشل  خليني اروح    هو هم معصب والظاهر بينكم امور تردون تحلوها

فتحت الباب  اجه دفعني وسده كال عاد احترمي داحجي اني

اجت سمى دفعته بعيد عني

- ووخر لتتماده وياها

- انتي شلون هيج جريئه كلش عصب منها وضربها راشدي اذاها حيل   اصابعه  طبعت بخدها

راحت كعدت على الكرسي ومقويه نفسها كوه  ومحجت ولا حرف

اباوع بعيون اختي  القهر ماليها 

- ليش تضربها اوس  باي حق  ليش تستقوون علينه لان بنات
لا والله ثق بالله  اقتلك موت لو اعرف اعدام

- مو طبعي استقوي على بنت بس اختج متحترم ايدها طويله  وانتي هم روحي كعدي خلي اشوف هذا وين راح وبلاني بيجن

عافنا وطلع سد الباب  حيل كلت انشلع

رحت  يم سمى 
- حبيبي ليش زعلان  ، حضنتها و بستها    ، باعي سمى اني اعرف حقاره منه يضربج بس انتي ميصير 

- لتكملين مهى ابد  
عافتني وراحت  وكفت يم الشباك

ظليت كاعده بمكاني انتضر والتالي  بهذا اليوم الاكشر الي مناوي يخلص

اخذتني الغفوه واني على القنفه نايمه  محسيت الا نهشل كاعد كبالي    بس شفته طفرت بسرعه 

- وين سمى وين راحت

-  شبيج مخروعه اختج نايمه  بالغرفه    سولفتلي على اوس ورزلته  اشلون يمد ايده على مراهقه الغبي

- اذاها اهواي  تره محد بينه ماذيها

- اكله رزاله معدله مني  ،  المهم معلينه   يله كومي  غسلي وتعالي  نتعشه دانتضرج