ظليت دقايق بمكاني مكدر اكوم جسمي ياذيني وبطني احسها تتكطع
ستجمعت قوتي وكمت لبست القميص وكفت على حيلي دالبس التنوره
وحسيت شي نزل بين رجليه
باوعت دم اتصنمت بمكاني خفت
دخل للمطبخ
- بعدج مخلصتي
-رفعت راسي واني احاول اغطي روحي ستحيت
شفته يباوع عليه وعيونه على وسعهن
اجه تقرب يمي يتفحص جر التنوره من ايدي واني لازمتها حيل وضع محلو هو واكف لاف نفسه بالمنشفه واني فقط بالقميص والدم بين رجليه
- مو وكت مستحاج هسه لبسي عدل بسرعه اخذج دكتوره
- ليش دكتوره شبيه اني ،
- سلامتج كل خير بس بسرعه رايح البس اني
عافني وراح اخاف جنت خايفه هسه متت خوف دكتورتيش راح يوديني
لبست التنوره حته معرفت شلون
دخل هو وعطره والكشخه اخر موديل واني اخر بهذله
القميص الي لابسته من الغسل مينعرف لونه اتذكر لونه قبل نيلي هسه صاير ثلجي
ديلا ولج انتي هسه بيا حال دافكر بيني وبين روحي والفرق الطبقي والالم ما خذني وكلهن اجن ببالي بهاللحظه
ما حسيت الا شالني وطلع بيه
سمعت دكات گلبي من الرعبه والصدمه
فتح باب السياره وصعدني
- وين راح تاخذني
- افتر شغل السياره ، للدكتوره
- لا ميحتاج بس وصلني للبيت
- اي بيت وجهج اصفر وتنزفين لا تبليني بله
يحجي ويعيط ، حلوه مال لا تبليني اي اني شمرت روحي عليك والله يا الله
مسافه وين الا وصلنه يم عياده
نزل وكالي انتظري هنا
اباوع يربي وين جايبني شراح يسوون بيه
شويه وطلع ويا ممرضه تدفع بكرسي متحرك
هاي شنو هيج حالتي منتكسه وصلت يمي وهو فتح باب السياره نزلني قربت يمي الكرسي
- لا ميحتاج اكدر امشي
- اتمنه لو بس ما تعترضين على شي وتخلين الامور تمشي عدل
- اي مريد اصعد هنا وخرو اني امشي
ما سمعلي جرني وكعدني همس باذني لتعانديني
سكتت حالته ميؤس منها
دخلنه للدكتوره مره متوسطت العمر والاسلوب الحلو
سلمت عليها ردت وعليكم السلام تعالي ماما صعدي فوك
هو هم دخل للغرفه وراح يحجي ويا الدكتوره على صفحه هيه اتباوعلي وتهز براسها مقهوره
شديكللها بله
اجت جرت الستاره وهو بعده كاعد على المكتب
اشرتلي افتح رجليه
- شتردين تسوين
- يا اني غير اكشف عليج
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
