قانون الذئاب

بارت 33

فتحت عيوني والضوه بيهن عماني

باوعت هاي مستشفى التفتت يمي مره معرفها

كعدت على حيلي بيدي كانولا
المره بسرعه طفرت اجت يمي

- ها خاله محتاجه شي

- منو انتي واني وين

- اني ام جبر يوم النهشل جابني يمج وگعتي لان حرارتج ارتفعت وهبط عندج السكر

النهشل جابها

رجعت الوعيي ابني وين

نزلت بسرعه

- لحظه بنيتي ثواني ميصير تطلعين هالشكل

باوعت الروحي ملبسيني دشداشه بيضه

- هاي منو ملبسني هالشكل

- اني يوم لتخافين مثل امج تره

- بعدي مني اريد اشوف ابني

- ميصير يوم انتظري شويه

ضوجتني كلش متخليني اطلع

- بعدي مني داكلج ليش متخليني اروح شرايده مني

فتح الباب ودخل
- شهالصوت العالي شكو شبيج

- اريد اشوف ابني خليني اروح

اتقربت للباب داطلع هم مخلاني دفعني للداخل و اشر للمره براسه يعني طلعي

- جاسر بي شي ابني بي شي احجي

بيده علاكه شمرها عليه

- لبسي

فتحتها بيها لبس محجبات وشال

- هاي شنو اني مو محجبه

- راح اطلعين من هالغرفه وانتي مرت النهشل

ويا ويلج لو احد شاف شي منج احركج حرك

- ما اعتقد هذا وقتها خليني اروح اشوف ابني ليش هيج دتسوي وياي مو گلبي احتررك ، وبعدين علي اي اساس اني مرتك خليني اروح رحمه لله

- باعي لحد هسه اني هادئ وياج ولازم اعصابي بره واكف اني انتضرج بدلي وتعالي

طلع وسد الباب
خرب يوومه اشكد يعاند

طلعتهن اشوفهن حتي داخليه جايب لبسستهن واني ساكته مو وكت اجادل ويا وفتحت الباب باوعلي من فوك ليجوه ومشه واني وره

صعده بمصعد

- هاي وين جايبني ليش هنا مو سوى عمليه جوه
ليش فوك

ولا يرد عليه ايدي بجيوبه ويباوع كدامه
عبالك مموجوده

طلعنه من المصعد مشه شويه و وكف

بدون ميلتفت عليه
- باعي راح اتشوفين ناس اهواي يم الطفل اي موضوع يخصنه متحجين يسئلوج متجاوبين فاااهمه كله يم النهشل

ومشه

مشيت ورا ودخلنه الجناح وصدك متروس ناس لعد وينه ابني