قانون الذئاب

بارت 42

كعدنه الصبح راح للحمام يسبح  واني رحت حضرتله الريوك

طلع اجه يمي  دخل ابتسم بوجهي

اناقته وهيبته وحركاته متعلگه بگلبي    ظليت صافنه علي شلون ياكل  شلون يشرب وشلون يحجي

خلص وطلع وطلعت وره  التفت عليه عصر خشمي  اليوم معجبه بيه شو منزلتي عينج يلوكحه

  حضنته حيل مودعته 
- اذا ما انعجب بيك  بمنو لعد  انعجب

- وشحدج  اصلا تنعجبين بغيري  احركج مهى 

- بوسته وراح وگلبي راح ورا  اشكد اتمنيت اصيح عليه و اكله اني رايحه اقابل سمى  بس خفت يمنعني وخاصه من عرفت زوجها   يشرب حبوب  

كل واحد طلع الدوامه و كل عاده وصيت ام جبر على

الجهال  وطلعت الساعه 8 ونص  جانت

وصلت للعماره الحارس مموجود  فتحت باب الغرفه ودخلت
متروسه تراب وبيها ريحه لان متروكه
خليت الباب مفتوح وفتحت الشباك  وبديت انظف بيها  فرحانه متخيله سمى تجي تكعد بيها بعد مخليها ترجع
وحتى اخلي نهشل يطلكها من هذا الخسيس

عايشه بمخيلتي وتخطيطي لو اجت اختي شلون اخلصها
وجان يندك باب الغرفه   هو مفتوح  التفتت مبتسمه 

- شهالادب  ...... اختفت ابتسامتي وفتحت عيوني مصدومه هاي شجابك هنااا شتسوي جاي

- ارجوج سمعيني  هنه كلمتين  احجيهن و وعد متشوفين وجهي

- اطلع بره  ماعندي كل كلام وياك

- ارجوج مهى شوفي اني اصلا راح اسافر بس مكدرت اسافر واخلي كلشي وره ضهري وخاصه انتي

- ملااااار اتوسلك تطلع بعدين وين عرفت اني هنا 

- مو اني الي خليت الحارس يتصل

خابت امالي وطارت فرحتي باختي  كعدت على صفحه  حجيت بخيبه جبيره

- ليش   اتسوي هالشكل متدري اني شكد گلبي مفرفح عليها لللليش

- خله الجنطه  يم الباب ودخل كعد هم بالباب مال الغرفه

وبده يحجيلي

اول يوم شافني ونعجب وشلون اتقرب من سهى حتى يوصلي وهيه ضحكت عليه  ولاخر يوم من كالتله انسوي عيد ميلاد ببيتكم دام اهلك مسافرين وصار الصار

وكال اني اتزوجتها حتى انتي لا تنضرين   انتي الي حبيتج اني لا سهى ولا غيرها وحتى خطبولي وامي لحت اتزوج حتى تكسر خشم سهى مكدرت وهاي عايف البلد والبيها وخاصه بعد ما عرفت استقرارج ويا النهشل

كاعده بزويه ودموعي اتعبر عن حالتي  عن الخيبه الي  صدمتني  وفرحتي الطارت وعن اختي الي ماتت وهيه ظلمت نفسها واذت روحها ما اذت احد