كعدت الصبح على رنت الموبايل باوعت هذا النهشل
اجيت اريد افتح خط انقطع الاتصال و اجتلي رساله
----شعجب نايمه لسه وينج من امس ماكو
شي بداخلي انتعش احساس حلو من اكو انسان يفتقدك
-- صباح الخير ماكو شي بس انتقلنه مم بيتنه و ملتهيه
----تمام العصر اجي عليج يم الصالون
فرحتي توسع بلد يفتقدني و يجي عليه
كمت بكل نشاط باوعتها الساعه 6:30 عزه شعنده هسه متصل عليه
كمت سويت ريوك وكعدت البنات وسهى گالبه الخلقه باوعتلها بعتب ميفيد وياها اي شي
كل واحد شاف شغله البنات راحن للمدرسه وابويه راح للدكان مالته واني نظفت البيت وحضرت الطبخ مخلتني امي اطبخ
للعشره رحت للصالون وبلشت شغلي
اجت ام اخلاص تعتب عليه شلون شلنه بليل ومحجينه بوستها وتعذرت منها وسولفتلها على تهديد اوس خطيه ظلت تلطم عاد دليتها مكانه الجديد راحت الامي
للعصر طلعت من الصالون وشفت ملار باوعتله ونفخت بضجر هو اتقرب مني حضرته معاجبه
- وين مولين رحت عليكم للبيت مبي احد
- شلنه ، ليش خير شرايد شعندك
- دحجي عدل لا اخليج اتلمين اسنونج ، مرايد شي ولا ميت عليكم اجيت ابلغكم اول يوم عطلة نصف السنه العرس
وطلع ضرف فلوس وشمره عليه
جهزيها خريد نقص انقص عمركم ورقمي عدها اذا نقصتو شي كوليلي فشل ما اريد
وراح وله
بلا رده مسوي فضل حضرته غصبا عليك
اخذتهن وكلت اتمشه البيت النهشل هو كالي اجي عليج بس لسه ماكو
دامشي وشفته كدامي خازرني
يما يخوف شبي هذا وكفت اباوع اريد اعرف شبي
دك هورن طفرني من مكاني
الطام حته ممسويه شي الصبح شحلاته
رحت للسياره
- هلو الله يساعدك
- صعدي بسرعه يحجيها بعياط
بلعت ريكي دخيل الله
صعدت بدون ولا حرف وصلنه للبت خفت انزل شكله معصب
ظليت بمكاني عاط بيه شنو تردين عزومه
نزلت بسرعه
- شبيك ليش معصب
دار عليه اني بسرعه خليت ايدي كبال وجهي خفت يضربني
ظل ساكت متحرك سويت فتحه باصابعي اشوفه شديسوي شفته يباوع عليه
- نزلي ايدج ولتسوين هالحركه بعد
- مسويت شي اني
- بشنو ورطت نفسي ، روحي مهى حضري الاكل
ما صدكت كالي روحي طياره للمطبخ غسلت وبديت احضر جايب اكل جاهز بس رتبت السفره
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
