قانون الذئاب

بارت 22

كعدنه الصبح واحنه دنتريك اندكت الباب حيل 

راحت سمى فتحته  دخلت سهى تلطم وتبجي
ركضنه عليها ولج شبيج

-يما لحكيني عيالي كتلوني بهذلوني ملار طردني من البيت  ، تحجي وتدك على وجها

- رحت جبتلها مي انطيتها ، اهدي شويه وفهمينه شكو شنو يضربج قابل ما الج احد 

-  اي مالي احد محد يكدر يكسر عينه الابو انتي كتلتي والام شليتيها 

-  صدك متستحين ومتستاهلين احد يحجي وياج تدرين شلون بطبج مرض  اني رايحه الشغلي

- اي روحي روحي شردي  خربتيها وكعدتي على تلها

متصير الها جاره ابد رحت بدلت وبوجهي البيت ملار دكيت الباب اقوى ما عندي طلعت امه

ام ملار- شكوو ها شكو شعندج من الصباحيات  ملحكنه نخلص من اختج اجيتي انتي
دفعتها ودخلت للبيت نسيت هيه مره جبيره

شفت ملار و اخو  بوجهي واكفين  رحت اتوجهت اله

- سؤال اسئلك  وخليك رجال وجاوبني  بصراحه

لو اختك تدخل عليك من الصبح بهذا منضرها  شنو ردت فعلك  عطت حيل

-لو اختي مثل اختج ادفنها

- ليش شسوت نهبتكم  كتلت واحد منكم احجي شسووت انت الي ركضت وراها انت الي سويتلها فخ و وكعتها بفخك
اجه يريد يحجي اخو مخليته

كلامي ويه زوجها مالي كلام وياكم اني

ملار لو اخذها هسه و اسويلها تقرير طبي ادمرك تعرف لو لا لا تتوقع ما الها احد اني وراها امها ابوها  اني اني ملاررر

- سكتي مهى متعرفين اختج شسوت 

- مهما السوته باي حق تضربها ها احجي  رحت اتقربت يمه وضربته على كتفه احجي باي حق  لان بنت هاي مرجلتك  عليها اتكول اااي يلا مالها احد

اجت امه  هم رادت تحجي مخليتها 
-  مره جبيره  ومالي حجي وياج بس شوف يا ملار كلمه احجيها و اطلع  اختي وراها ااااني وخليها ببالك راح تندم انت دمرتها ودمرت مستقبلها وهسه كل يوم جايه مضروبه 

وعفتهم وطلعت  اسمع امه اتعيط  هيه هاي الذابح روحك عليها هيه هاي الوكعتنه بيهم  هاي تربيه اخلاق

احسن منها احنه  المتخجل مره شكبرها بيت متعرف اتلم

رحت للصالون دخلت حتى ست بدور  لاحضت وجهي  مطعون

سئلتني كعدت سولفتلها مختصر 

- الله يعينج  ، بس يلا هيه مشاكل  الزواج متخلص

وانتي شلونه زوجج وياج

- باوعتلها بقهر  ، طلكني  بداية حملي  ، ودنكت راسي