اذا مو هذا السبب شنو لعد اوس فهمني
- دخلتي مزاجه لا اكثر وهو هسه محتار لا يكدر يطلكج لا يكدر ، وسكت
- كمل ليش سكتت كولها ولا يكدر يعترف بيج لان مو من مستووواكم
- مو هيج السالفه بس...
- لتكمل اعرف اني وين و رنا وين اني بنت ذاك الفقير ورنا بنت اللواء الفلاني الي ساكنه بالمنصور ، ابتسمت باستهزاء وكملت واني الي ساكنه المخازن لان اهلها معدهم مكان
فتحت الباب ودانزل التفتت عليه كتله وكت ميسويلك الوكاله طلكني منه انتظرك
- لحظه وين رايحه شفتهمتي و وين عرفتي رنا لج لحظه وابنج
نزلت وسديت الباب مكمله طريقي وهو دك هورن ما وكفت عفته وكملت رحت للبيت
دخلت وشفت امي شاده راسها و تون
- ها يوم شبيج سلامتج
- ولج يما يا سلامتي رحت لختج اليوم عمتها ما رضت ادخلني للبيت
لا يا ناقصه شنو من بشر
- ولج يمه كملتها اختج اجت اتكلي وين جايه لحكتي تشتاقيلي
- اختي هم عار معليها عتب كومي يما كومي لتقهرين روحج ولا تسوه
- شلون ما انقهر وانا اشوف بنتي سكتت وجرتها حسره
سوده عليه كلش انقهرت على امي طاح حضها السهى عبالها راح يحبونها لو سوت هالشي
مشه اليوم عادي وثاني يوم ثالث يوم اتصل بيه النهشل داشتغل بالصالون وشفت اسمه
گلبي صار يدك سريع ايدي ترجف اريد اعرف افتح الفون ماكو مشتاقتله وزعلانه منه قويت نفسي ورديت
/ الو
/ وسم لج شنو من گلب عليج ما افتقدتيني
/ شلونك شلون صرت
/ زين حمد لله تعالي اليوم للبيت اريد اشوفج
/ ان شاء الله بس اخلص شغلي يمك اني
شنو يريد مني معقوله يحجي على الطفل
لطمت خدي بس ليكلي وكعي والله اذبح روحي وما اوكعه البني
خلصت شغلي شلون ما اعرف وطلعت متوجها البيت النهشل بس گلبي احسه بين رجليه شنو يريد مني وليش كال تعالي هو مو على اساس اوس يخلص كلشي من يمه
يمته وصلت ما ادري اشكد ما عقلي انشغل تفكير راح اتخبل
دخلت للبيت شفته كاعد ولازم كتفه وشكله حيل متغير ضعفان
رحت اتقربت منه مكدرت الزم نفسي حضنته وبجيت
مشاعري ولا تشبه تفكيري معرف شنو اريد من اشوفه يغيب عقلي
بعدني ومسح دموعي
- ليش ما سئلتي عليه
- سئلت واصلا اجيت للمستشفى و وكعت هناك ليش اوس محجالك شي
أنت تقرأ
قانون الذئاب
Fiksi Umumاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
