شويه وصاحت علينه الجوهره يله يبنات عفنه فيصل ورحنه وراها وتعدينه يم محل اشترينه اغراض مخلتني ادفع واخذت رصيد
ورجعنه للبيت
بالباب شفنه فتحيه واكفه تنتظرنه
دخلت الجوهره وكالت ها يفتحيه جنج ما جايه بخير
فتحيه - اجيت احذرج يالجوهره
جوهره - كولي شوراج
فتحيه - غنام ناويلج الشر انتي وهالبنات
جوهره - البنات شبيهن بعد مو يم غنام تراهن
فتحيه - تعرفينه يالجوهره ظالم ومايخاف الله ضمي البنيات هنه غريبات ولو صار عليهن شي تطلعلهن عشيره
واحنه اليوم بوحده باجر نصير بثنين
الجوهره - شنو يريد يسوي يعني خلي يطك راسه بالحايط
فتحيه - بكيفج انا سمعت بته تحجي ويا خليده ما ناوي خير يله اخليجن بامان الله
وطلعت وخلتنه نتصفن
سمى- يعني شنو يسوي مثلا
جوهره - غنام واحد ما يخاف الله وانا عبن شردت وليدي ضمها الي ضميمه راد يطيح بتي بس رجلها گوي وخاف منه وهسه سمع بيجن يريد يسود وجهي
- يعني واذا شردتي ابنج خو متخلينه ينقتل
جوهره - سالفه طويله كومن انسويلنه لكمه ناكلها ونذكر الله وعلى ستكان الجاي انسولف
كمنه مثل مكالت سمى طبخت واني ساعدتها وصلينه تغدينه وكملنه كلشي
حطينه الجاي وكعدنه
اي خاله سولفي
جوهره - من صارت العركه وابن غنام كتل ابن الشيخ غنام فزع الديره بس من يسمع ابن الشيخ يرد ويخاف لان الوادم تعرف الشيخ شنو يكدر يسوي بيهم
ظلت ازلام قليله عنده اجه على نويصر ابني طلعت بوجها وكتله هذا وحيدي
بس ما فك ناصر ظل يروحله بشغله وكل يوم داك عليه لو دازله وادم
ملينه عاد الشركه مالتهم جانت طالبه سفره للي يريد يسافر ووليدي دفع فلوس كلها شهر وطلع
وهو تسودن علينه راد يطيح مياده بنتي بس خاف من زلمتها وعشيرته
وعاد ضامها لليوم سمع بيجن عندي يريد يسود وجهي
- انزين خاله شنو يعني احنه غريبات نعتبر تره
شنو يكدر يسويلنه
- كلشي يكدر ظالم والظالم لا تامنيله
هو اولاده انكتلو ثنين و واحد شارد
وعلى هاي ساومني الشيخ عيسى عباله اندل مكان ابن غنام كال كلينه مكانه والا ما ننطيج البنيات
- وانتي تندلينه
- لا والله يمه ما اعرف وين مكانه
سمى - لعد هسه والحل وين انروح يمهى
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
