بده ابوها يحجي
ابو رنا - مو هذا الاتفاق يبو النهشل انطيتكم بنتي مدلله معززه مكرمه
طلع متزوج ابنكم وغضينه النضر وكلنه مشترين رجال وسمعه وخاصه بعد ما عرفنه ضروف البنيه المتزوجها
بس مال كل يوم تنضرب وتنهان لا ما اقبل بيها
يبو النهشل اذا ما كادرين ضبطون امور بيتكم وتحلون مشاكلكم احنه نتدخل ونحلها
ابو النهشل - وسفه شنو المشاكل الي صارت ببيتي وما كدرت احلها
النهشل - كل مشاكل ماكو هيه سوالف بنات وعيب على الشوارب تدخل بيها
ابو رنا - مو مقبول منك هالحجي كول ما كادر على مرتي انا اكدرلها تراني حوك
طفر بوجها اوس - الي يمد ايده عليها اكسرها لا عبالك مالها احد
عاط بيهم ابو النهشل خلوونه نفهم شكو بسرعه هوستو
رنا - عمو هاي الجبتوها وسكنتوها بينه لاهي من ثوبنه ولا من مقامنه وحده همجيه ولو واحد حجه وياها تتعامل ويا بالضرب
اجيت احجي خزرني النهشل وحجه هو
نهشل - وليش ما اشوفها تتعامل ويا البقيه خو ورد و ود بنفس العمر المفروض وحدتهن مطيق الثانيه مو مثل انتي وهيه فرق عشر سنوات
ام رنا - شتقصد يا عمه بنتي جبيره بالعمر والله انتو الي ذبحتو روحكم عليها
رجع كعد شعل جكاره
نهشل - محد حاب سيرة العمر بس اني داسئل بنتج مو اتكول مهى تتعامل بالضرب ليش بس وياها
ام رنا - اتخاف منكم بس متخاف من بنتي وجهت كلامها الي رافعه صبعها وتحجي
شوفي ولج اجي افركج فرك فاهمه و ارجعج منين ما اجيتي لو بعد اتطاولتي على تاج راسج
- اني مو ملكه حتى البس تاج بس البس قنادر عادي
هجمت عليه اتريد تضربني ودفعتها طاحت بحضن رجلها
وكف وعاط بالنهشل
- هسه تاخذ حق بنتي وزوجتي من عيونها لا ميصير طيب
نهشل - ميصير طيب شلون يعني باوعله وقلص عيونه
ابو رنا - لو بنتي لو هاي البنيه بلبيت
گلبي ظل يدك كلت اكيد راح يطيروني من البيت اجو على بالي جهالي يعني افاركهم معقوله متت قهر باوعت بعيونه ادور الرد
مهى روحي الغرفتج
اجيت احجي اوس اشرلي بلا
درت وجهي ورحت بس بداخلي نار تغلي
شويه وكامت العيطه وسمعت رنا تبجي وعمي يحجي
فتحت الباب وسمعته يكللهم رنا بنتي وما افرط بيها
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
