قانون الذئاب

بارت 19

لا يوجد فالحياةاصعب من فقد الاحبه 

..
..
..

طلع الدكتور  ورحنه نركض   نتامل سلامت امنه و ابونه  بس للاسف كان جوابه البقيه بحياتكم

- بمنو دكتوور منو منهم

- الوالد تعيشو انتو

- يبووووو يبووو راح السند والخيمه راح الحنين  لا يبا شلون تعوفني اني الضيعت روحي  بس حتى اشوفك كدامي 

كل وحده من عدنه تصرخ بصفحه   بعز حركتي اتذكرت امي رحت اركض عليها اشوفها مخلتني الممرضه  كالت حالتها تعبانه  و افضل متكلولها

سهى اتصلت بملار  بلغته

ربع ساعه و اجه  و وكف ويانا واحد مينكر   سوه اجرائات الوفاة  والدفن وراح هو و صديقه  احنه مكدرنه انعوف امي
بس اخر لحظات رحت شمرت روحى على التابوت
سامحني  يابه والله مغلطت والله حلالي والله الخاطرك  يابه رحت زعلان مني 

حجيت هواي ودكيت ولطمت اهوااي بس لا حياة لمن تنادي 
        حبيباً لا يجيب حبيهُ

شالتني ام اخلاص كوه من التابوت

- كومي يمه مو زين  راح الرحمة الله  شوفي خواتج شوفي امج انتي الجبيره محد يقو يهم غيرج تره

- واني خاله منو يقويني ويصبرني ويهون عليه واني  واني ظليت الطم واملخ شعري   انكسر ظهري  بروحتك ياابه  كوه لزمتني ام اخلاص وتبجي وياي 

دخلت للمستشفى امي بعدها  ما صحت  احسن الها يريت اني بدالها

كعدت بالكاع   ابجي حيلي مهدود وكارها الدنيا  ابويه راح مثل الغريب  محد ويا بس ملار و صديقه ابو اخلاص بسوريا  مودي بنته علاج 

لاسند لاظهر لا خال لا عم ولا اخ  غربه بين ذيابه   محد النه 

اتقربت يمي سمى 

- انتي وسهى كتلتن ابويه  والله يعلم شراح يصير بامي   مراح اسامحجن  ابد

رفعت راسي اباوعلها  شفت بعيونها حقد  يهز العرش ابد مو اختي ولا نظراتها  ما رديت عليها   كلنه مقهورين  خليها اطلع الي بگلبها

  بطني ظلت تاذيني صارت عندي اوجاع  صحت ام اخلاص خطيه ولا عافتنه  اجت كومتني  ودتني للدكتوره

فحصتني كالت تقلصات مال صدمه بس الطفل مبي شي
ام اخلاص لطمت على وجها    وخزرتني

- ولج شهالحجي يمه مها صدك جذب 

- خاله والله متزوجه بعدين افهمج والله

خلصنه  من الدكتوره كتبتلي دوه  اخذت الورقه من ايدها وطلعت

كعدت بالاستراحه سولفت لم اخلاص كلشي  ظلت ادك على رجلها وتلوم بيه  شلون هيج سويت

شفايدت الملامه  الصار صار