و وصلنه للناصريه نزلنه من الكيا ظليت صافنه عليها
يعني هاي هيه صرت اني بمحافظه وجهالي بمحافظه
شنو شفت منهم حتى بسرعه افاركهم نزلت دموعي اجت حضنتني سمى
- نرجع مهى اذا متكدرين
- سجلهم باسم رنا وشهكت ابجي
اخذتني على صفحى طلعت بطل مي غسلت وجهي وتبجي وياي
- مهى وياج اني باي قرار تاخذينه انكمل او نرجع كيفج
باوعتلها هيه هم تاذت خلي فتره انجرب والله كريم
كمت مسحت وجهي اشرتلها يلا
رحنه يم محل يبيع كيك وجاي شترينه وكعدنه ناكل على صفحه العالم اتباوع علينه
كملنه طلعت شال من الجنطه ونطيته السمى
البسي هنا مو بغداد مناطق ريفيه
لبسته ومتعرف وكل شويه يوكع من راسها
اخذنه سياره وصعدنه المنطقة الخاله
نزلنه وظلينه نسئل عن بيت الحجي رضوان
تعبنه وقرب يصير مغرب ومحد نطانه مكان محدد
اخر شي اكو مجرى شفنه مره و وياها شباب ثنين
رحنه نسئل
- هلو السلام عليكم
- وعليكم السلام
- احنه جايين هنا نسئل عن بيت الحجي رضوان
واحد من الشباب الواكفين عبالك تكهرب
خزرنه وصاح انتو من وين يبنيه وشعدكم ويا بيت الحجي
خوفني وشفت اخو يهز براسه و ياشرله
اتشكرت منهم ورجعت جريت سمي بيدي
صار كدامنه ميخلينه نعبر
- ماكو روحه منا الا تكولين شعدكم ويا الحجي
- وخر لا الم عليك الناس مو عيب دتتعرض البنات غريبات
نزع شماغه من راسه وشمره عليه
- انا استر الحرمه ما اتعرضلها
وهسه لو ما مشيتن ويانه ما يطلع عليجن صبح بهالديره
وهاي عمتي هم مره مثلجن
- واحنه شنعرف منك حتى نمشي وياك روحي يا اخي شجابني بدربك اني
واكف ميتحرك متخوصر ويباوع علينه عاكد حواجبه
راح الثاني شاور المره ورجع وكف يم هذا المستهتر
اجت المره يمنه تهمس وتتلفت
- يما امشونه منا عيب احنه بيت الشيخ عيسى ناس اهل كرم ومعروفين الدنيا راح اتليل وما انخليجن بوحيدتجن عمن هسه يكوم الرمايه وشي تذبح بشي يله يمه اتقن شر هالوادم وامشنه
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
