مهى - اليوم غيم وراح تمطر شوفو بنات اذا مطرت ما اوصي بعد كل سرعه نركض
سهى- مو مشكله بس الي بالي بالج شلون
سمى- معليجن بيه اني ادبر روحي درت وجهي منهن زعلانه دائما سهى تاذيني بكلامها يشوفوني اضحك وما ازعل عبالهم ما احس بالعكس كلامهم يجرحني
بس شي خارج ارادتي حب الاكل مو بيدي والله
مهى- نص الطريق و مطرت بنات تعالن نلزم ايد بيد ونركض حتى وحده تعين الثاني طبعا وجنت اقصد سمى خطيه ثكيله
وبدينه نركض كل سرعتنه ونضحك الدنيا تمطر واحنه نركض وميتين ضحك على روحنه
بنص الطريق وكفت سياره عاليه مظلل
صارت كدامنه عرضت طريقنه نزل الجام السايق ولد شاب مرتب وشكله يخبل ثلاثتنه وكفنه مثل الفاهايات
صاح صعدو اوصلكم
سهي اتقدمت ما ما نعت جريتها كتله خويه نتشكرك هياته البيت
ميصير مطر وطين تتمرضون تعالو دربي بنفس دربكم
جريت البنات واني امشي كتله تسلم حنه هم وصلنه
واصلا انت هسه اخرتنه
ظل يمشي ويا مشينه بطيئ صدك خفنه منه الشوارع فاضيه والدنيا غيم ومطر برد العالم لو نصرخ سنه محد يسمعنه
صاح تره اني مو وحدي اختي وياي
التفتت شفت صديقة سهى بس شنو كالبه الخلقه ومعاجبها لان اخوها وكفلنه
غلسنه ومشينه هو هم راح كمل طريقه
سهى- شسمونها مخليتينه نصعد بله مو احسن من هالطينه والمي
مهى- سكتي الله يخليج بله بصفتنه شنو نصعد
سهى- تره هو وكف النه من باب الذوق
مهى - اي وكل واحد يوكف النه نركض وبعدين شفتي اخته شلون كالبه الخلقه على شنو باجر اتمن عليج وتعيرج كدام الطالبات
سكتت مقبلت علي كلامي دارت وجهى ياخوفي منها هالسهى اهواي رافع راسها للفوك خايفه تنكسر ركبتها و ركبتنه وياها
شويه و وصلنه للبيت لكينه امي و ابوي يم الصوبه ربي لا يحرمنه من هالكعده سلمنه ورحنه غيرنه ولتمينه علي الغده
ابونه عنده دكان صغير بموقف مال سيارات يبيع حلويات جكاير بارد رجال بحاله لكن فارض احترامه المنطقه كلها تحترمه واذا عدهم شي دائما ياخذون مشورته معتبرينه كبير المنطقه
امي فقيره لدرجه لا تحل لا تربط مره غير عجن وخبز وشغل البيت متعرف
اليوم الغسل على سمى افيش اروح انام باجر جمعه
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
