اليوم يرخصون جاسر اجه الدكتور فحصه الولد كلشي ما بي الحمد لله
حضنت وليدي بكل قوه عندي رواء جانت واكفه مشلعه خدود جنا بوس
جنا شافتني حضنت جاسر ظلت اتصيح اماا عود تلفت انتباهي
وخرته وصحت تعالي شمرت روحها عليه
نهشل و اخته صارو على صفحه يتهامسون معرف شنو يحجون
صح العب ويا الجهال بس بالي يمهم
شويه ودخل زوج رواء سلم عليه و المفاجئه الكبرى طلع نفسه الضابط حسن
فتحت عيوني وحلكي ويمكن خشمي
هو شافني مصدومه
- مفاجئه مو
رواء - شنو حتى انت تعرفها
حسن- غير اني الشاهد على زواجهم
رواء - صدك تحجي ومكتلي لا هاي حساب وكتاب وراها
راح خله ايده على كتف النهشل
حسن - اسرار العضيد شلون تطلع مو
نهشل - اكيد وحتى انت اسرارك ببير
رواء - شنو شنووو حسسن عندك اسرار اني معرفها
متزوج عليه مو احجي نهشل اختك اني تره
راح حضن اخته وباسها
- لج افصم ضهره غير لو يسوي شي ياذيج بي
حسن - ها بعتنه بسرعه بسيطه يالنهشل
ديحجون ويضحكون بينهم
يعني ميرضى على اخته بس عادي بنات الناس
اندك باب الغرفه ونفتح ودخلت ذيج البنيه الكشخه والمكياج والعطر خالته ببانيو وداخله بي هيه وملابسها منكعه روحها ثلاث ايام
اتقربت للنهشل بوسته
رنا - حمد لله على سلامت ابنك حبيبي و اعذرني تعرف لبين مطلع حجز التذاكر اتاخرت اسفه
نهشل - لا عادي شنو الجديد المهم حمد لله على سلامتج
باوعتله وميلت راسها هو دار وجها يلعب ويا جنا
راحت بوست رواء وسلمت على حسن ايد بيد
و وصلت يمي من بعيد اشرت هلو
اني هم هزيت راسي بس وبتسمت
اجت بوست الجهال وخلت كل واحد بيده ضرف مال سلامتهم
رنا - ها شنو هسه حبيبي يمته تطلعون
نهشل - شويه بس الممرض يكمل الاوراق ينتظر الدكتور عنده عمليه
راحت كعدت على صفحه وصاحت رواء وظلن يسولفن و يضحكن
عجبني برودها و تصرفها هاي لو اني يمكن احركه حرك بس شو هيه عادي يعني ما مفتهمه
حسيت روحي غريبه كل ثنين بسالفه والجهال هم نامو
والدكتور طولها
رحت طلعت بره الغرفه نزلت للحديقه اشم شويه هوى
كعدت على الكراسي خاليهن بره
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
