قانون الذئاب

بارت 31

بديت اشتغل عند المره وزيادت الخير خيرين 

   بس ممرتاحه   گلبي عند سمى
اليوم مبيها مجال للعصر لازم اروح اسئل عليها

خلصت كل شغلي وخليت الجهال بيت ام اخلاص  وكلتلهم اليوم عشاكم على حسابي  

رحت المنطقتهم  دكيت الباب فلشته محد طلعلي

سئلت الجوارين 
كالو والله مندري عنهم همه صار ثلاث ايام مختفين
اصلا احنه مستغربين الهدوء

- ليش قابل  شعدهم حتى مو هدوء

- والله يا يمه مشاكل ابنهم وزوجته كل يوم ضاربها  وضارب امه والخيرين يلتمون يفكونهم

- يضرب زوجته   ، انزين ليش   يضربها كسر بيده

-  خاله الحجي بينه لا يطلع احنه مو كد الطلايب
هو يشرب حبوب ودومه فاقد ميدري بروحه

حطيت ايدي علي راسي وكعدت   بلباب خالين همه صخره للجلوس 

المره مثل الخافت مني  راحت جابت مي واجت

- اكلج يوم حبوبه لتحجين والله ابونه ما يرضي نتدخل بيهم
- باوعت عليها هزيت راسي  ب لا
شربت مي شويه  جريت نفس

خاله اطمني  واعتبري روحج محجيتي  بس خاله فدوه  خلي رقمي يمج  امانه  اذا يجون  اتصلي

- انتي شتصيرين منهم

- اني اخت جنتهم   ونزلت دموعي
وهيه اجت اتواسي بيه

- خاله والله ما ادري جان ما قهرتج  على اخيتج

كمت من مكاني

- عادي عادي لا تهتمين هيه بقت على هاي وعفتها ورحت

بالطريق اتذكرت اني وعدت بيت ام اخلاص بالعشه
اخذت كباب جاهز    مماكلته من ايام  النهشل وهمه خطيه مماكلين هيج اكل  ف اخذت الي يكفي الكل وعصير  وكرزات بعد اليوم جنت مستلمه من المره

دخلت عليهم البنات خطيه فرحن
ام اخلاص مقبلت عليه
- ليش يا خاله انتي بحاجة الفلس

- حمد لله خاله  العندي مكفيني  

- الله يزيدج بس لتنسين داخلين على شتا   وينرادلج مصرف

-الله كريم

وره العشه  وصلتني متخليني ادخل وحدي اني والجهال   للعماره
دخلت ومستمره بشغلي
وسمى اختفت لا هيه ولا زوجها  مرتين رحت الباب مقفول  من بره شفته
معناها جايين لان رحت اول مره مشفت هذا القفل

ربي اختي برعايتك احميها من هذا  الما يتسمى

بده يدخل علينه الشتا  والغرفه رطبه

رحت جبت  فرشات من الباله غسلتهن  وعقمتهن
   وفرشتها للغرفه والحياطين هم جبت  اقمشه  وكلهن غلفتهن