شفت ولد شاب واكف لابس اسود بسود و وارفع رداناته وناطيني ظهره
صحت اتفضل منو حضرتك
- ياشر باصبعه مثل الي يستصغر المقابل ،، هذا بيت ابو مهى
- نعم هو اتفضل
- تمام كوليلي لا يوصل للمكتب اني مفارغله ولا الكم البلاغ الي وصلكم اتنفذو او اغراضكم بالشارع وراح
حتى منتضرني ارد
عابت والله شلون بشريه المهم عرفته هذا من الي اشترو الارض
دخلت للبيت سئلتني امي كلتلها على ابويه بس ما كلت منو او شنو لان من صدك حالته ما تسمح
رحت للغرفه اشوف شبيها سمى
بعدها تبجي اتقربت يمها شبيج عيوني ليش هالبجي تره بابا مبي شي
- لج هذا الي دك الباب واحد فاشل وشايف نفسا ومن جماعة سهى
- وشبيها سهى عيني معاجبتج
- سكتي سهى خلي انشوف شبيها
- مبيه شي عوفوني وطلعوا
صدك هم عفناها تاخذ راحتها
الجوارين معافته الابويه يله روح وبالله وبيك ورغم مريض قرر يروح
شلون بله اكله على هذا الاجه لو اغلس صدك احتاريت بعمري
قررت ما اكله خلي يروحون هو وابو اخلاص وغصب عنه يسمعلهم
بس شفت حالت ابويه مقبلت الا اروح ويا
اشكد رفض وما قبل عاندت وغبت من الدوام وما رحت
صارت الساعه عشره الصبح وبدلت داتحضر اروح طبعا هو لبسه وحده اني وسهى الي تريد تطلع تلبسهن تنوره سوده وقميص جينز
رحنه اني وابويه و ابو اخلاص وجارنه ابو ثائر
اني مطالعه خارج الحي من المدرسه للبيت ومن البيت للمدرسه
اليوم طلعت وشفت بغداد وشفت اكو عالم ثاني غير الحي مالتنه
وصلنه يم بنايه كبيره دخلنه الامن مخالنه
- يابه احنه جايين على استاذ اوس وهاي كم مره نجي وتكولون مموجود واحنه ناس كبار يا بعد عمك
هالحجي ديحجي ابو اخلاص
الامني راح وكف مسافه اتصل ورجع كال اتفضلوا
دخلنه جوه بنايه ابداع
صعدنه للمكتب طلع واحد كال انتو تبع الحي
رد ابو اخلاص اي وليدي
- وشدعوه جايين كلكم واحد يدخل فقط
- اي ابو مهى روح انت انسان كبير والك هيبتك واحترامك
جلبت الا ادخل ويا خفت يوكع لو شي وخاصه من شفت كلام الولد الي اجه للبيت
شكد حاول ما ادخل ويابه عيب ابد اصريت ويا ريت ما اصريت
طبينه للمكتب
هذا نفسه الي اجه البيتنه كاعد وره المكتب بيده ملفات ويطك بالقلم على المكتب
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
