ملحكنه انخلي راسنه ونام بين الغفوه وبين الصحوه
وصار رمي الدنيا شتعلت طفرنه وحده بحضن الثانيه
وصوت الركض والهوسه شتعلت
فتحنه الباب علي كيف دنشوف شكو
اجت فتحيه
- طبن طبن جوه ماكو شي لا تخافن
- على بختج خاله يا منخاف هيه الدنيا محتركه
- عادي يوميه هيج وكت لعد اني ليش جبتجن وياي
- ما قصرتي ممنونين منج احنه
دخلنه وسدينه الباب للساعه 2 الا سكت الرمي تقريبا استمر ثلاث ساعات
رجعنه نمنه يابه تعبانين من فجر الله كاعدين وبالناصريه كضيناها افراره اندور على بيت حجي رضوان
كعدنه الصبح دخلت خلود علينه يلا تعالن هناك اتريكن
الحجيه تكول
- مهى ضحكتج هاي فتت گلبي لج على شنو شاكه حلكج
- ليش مترديني اضحك لعد ابجي
- والله الطبيعي تبجين المفروض
- والله موبيدي اني لازمتني الضحكه على وضعنه لعد ميضحك
دكومي كومي نتريك وياهم لا الليله يسونه طلقات ينشرونه بالجو
- وتحششين بعد تهي يا ربي
هزت بيدها وكامت ضايجه لان اضحك على وضعنه يعني شردنه من الي صار بينه متخيلين انشوف مره وقوره تحتوينه لكينه روحنه بنص الثار والرمي فوك راسنه
غسلنه ورحنه نكعد يمهم منعرف بس فتحيه و خلود
يم فتحيه مره جبيره كاعده من كبرها كوه فاتحه عيونها
- منين هاي الحديثات
سمى - عزه بعينها وين شافتنه
ضربتها بعكسي
- ولج انلصمي عيب
فتحيه - يما خطار خطار
الحجيه - منين يما هالخطار بنات منو
فتحيه - كرايب جوهره
هيه سمعت جوهره غطت وجها بشيلتها وظلت تنعي
على رجال وتصيح يما كتلوك وكعدو ياكلون بزادك
سمى - اكلج يمكن احنه المقصودين دناكل بزاده مو
- اي لعد منو غيرنه
سمى - منتبها من لحضة الاجينه واحنه نتعير باللكمه
- اهم شي محد ديشيلها من يمنه اكلي وسكتي
كعدنه كملنه ريوك دخل الشيخ مالهم بوس امه وكعد يمها
ودخلو بعده كم ولد شاب كل واحد بيهم يسد فتحت باب بحاله طول وعرض وجمال ولابسين زي عربي
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
