باليل بتت اني يم امي والبنات راحن يسون الشغل
امي وجها ثكيل عليه اشكد بجيت وحجيت وياها ابد دايره وجها عني
الصبح
اجه ملار و سهى راح ملار يشوف اوراق امي حتى تطلع كاعدين ننتظر الدكتور
تقربت مني سهى
- اكلج مهى هسه اني راح اخذ امي و سمى هناك بقيتي انتي شلون بيج
- شنو شلون بيه يعني فهميني ما فهمت وضحيلي اكثر سهى
- ترحين الرجلج قصدي مو
- مليون مره كلت طلكني افهمي طلكني بعدين تعالي انتي شنو ليش هيج صرتي ولج شجرالج
- شبيه اني شايفتني مسويه شي بس مجرد داخذ و انطي وياج بالكلام شكو گلبتيها سالفه اووي دوخري عني بله
راحت وكفت بعيد هالبنيه اتصفني حتى معرف ارد عليها
- لتخافين سهى كلها ايام ويستقر الوضع واخذ امي واختي ونطلع من يمج
-اي مثل وضع المخازن من استقر
تحجي وتستهزء
عفتها مالي خلك اجادلها الجاي اكبر من سهى وكلامها لان اني اعرف اهله الملار
اجه ملار مكمل اوراقها وكال يله
اجيت البس امي وخرتني جرت ايدها مني متريدني
راحت سهى لبستها وطلعتها اخذت اغراضها ورحنه
دخلنه للكرفان حلو مرتب سمى دترب بالملابس ومخلين سرير نفر الامي نومناها عليه
كعدت على صفحه ارتاح
بطني ذبحتني تقلصات متت منها
كلت اشوف ام اخلاص تاخذني للدكتوره معرف ليش اخاف اروح وحدي
ادور على موبايلي ماكو حرت وين خليته
سئلت سهى وسمى ابد
ادور بالغراض سيارت ملار ماكو
كلش ضجت معميلاتي وارقامهن بالموبايل وحسابي راحن كلهن
ملار كال لا تهتمين اني اجيبلج واحد
ملحكت ارد سهى طفرت من يمها
- وعلى شنو تشتريلها هاج هذا ، طلعت شريحتها من موبايلها وشمرته عليه
- ميحتاج بس ارجع للشغل اشتري واحد
- اي تره منطيته الج هو مجرد مترجعين تشتغلين اترجعي اليه
رجعت اخذته مسحت كلشي بي ونطته الي
خبله والله مو صاحيه
اخذته كلت فعلا خلي اگضي بي حاجه العصر رحت اشتريت سيم كارت وفعلت البرامج
وصعدت كيا رحت بيت ام اخلاص هم اخذت رقم ام عباس ورحنه للدكتوره
طمنتني على الطفل كالت بعد شهر تعالي اخذلج سونار بس انتي تعبانه وعندج نقص فيتامينات ومجهود دتبذلين اهواي ينرادلج راحه
أنت تقرأ
قانون الذئاب
Художественная прозаاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
