رحنه على ابو الكراج نسئل اشلون قافلين المخازن
دخلنه اني وسمى عليه للمكتب
- السلام عليكم عمو شلونك
- وعليكم السلام هلا بنتي وينكم صار فتره مختفين
- والله عمو صارت النه ضروف الوالد انطاك عمره وامي بالمستشفى وباجر تطلع اجينه انظف البيت مقفول من بره وهالقفل مو النه
- انا لله وانا اليه راجعون الله يرحمه برحمته الواسعه
بس والله يا عمو شكلج انتو صارلكم عشرين يوم مو هنا عبالي انتقلتو لان كلتي مؤقت وانا اجرتهن للمخازن على سواق من البصره
صفنت بوجها للحظات مجاي استوعب احنه صفينه
بالشارع
سمى - عمو شلون تتصرفون بهالشكل مو اغراضنه بيهن علي الاقل انتظر من عدنه خبر كلهن عشرين يوم الغبناهن اتأجار مكانه صح مدافعيلك وهمه دافعين بس انت انطيت كلمه ، وبسرعه اتحولت للعصبيه وعاطت بوجها ، علي الاقل صير كدها
صحتني من صفنتي شفتها صايره حمره وتحجي بقهر وترجف والرجال خازرها
- يعني هاي الشكرا مالتكم تجي زعطوطه اتعلي صوتها بوجهي
اريد اسكت سمى ما تسكت جريتها وطلعتها من المكتب كوه
- لج شبيج رجال هو وعقاله وشيباته فوك ما فتحلنه المكان بلاش هاي صار شهرين
- امشي ولي مني كل الي ديصير بينه بسببج انتي ضيعتينه الله يضيعج ،
دفعتني ومشت كعدت على صفحه تبجي
كلامها اذاني كل مره اكول محروكة گلب خل تحجي بس هالمره زودتها اني ضعت شنو الي ظل بيه ما ضاع
ظليت بمكاني واكفه ودموعي تنزل من وحدهن هاي اختي هيج تحجي العزيزه ما الوم اي بشر باجر لو وكف وحجه عليه
صاح عليه الرجال ابو الكراج تعالي يبنيه مسحت وجهي ورحتله
كتله عمو امسحها بوجهي واحنه نتشكر منك بس هيه انفعلت لان مرينه بضروف صعبه
- حته لو كل العراق ديمر بضروف بس هاي قلت تربيه بنيه زعطوطه مشايفه رب ساعه تربيه
- لا عاد حدك الهنا اختي متربيه احسن تربيه ما اسمحلك تغلط بهالشي و احتراما العمرك والموقفك مراح ارد
- اي طلعن طلعن على حقيقتجن للحظه اتندمت لان اجرت المخازن بس هسه احسن وزين يصير بيجن المهم اني صحت عليج على مود الزبل الي بالبيت شمرتهن وره المخازن اذا تردونهن اخذوهن منا الباجر تره اشمرهن
- اي زبل تقصد معدنه زبل ، ما رد عليه عافني وراح
رحت اركض وره المخازن وجان اشوف اغراضنه شامرهن صدك وملابسنه شي باكياس وشي بكوواني طحين
هاي عود صدك يحجي
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
