رحت يوم ثاني للمركز انتظرته بره مكدرت ادخل استحي ولان رحت وحدي محد وياي ومحد يعرف بس ام اخلاص وحلفتها على اساس اني رايحه وياها لام الصالون
ظليت ساعتين مشفته اجه
اكو عسكري بره واكف طلع شويه راح يم سوبر ماركت يشتري
كلت هاي فرصتي
رحت اركض اتقربت يم الشرطي ديطلع من السوبر ماركت
كتله بلا زحمه سؤال
التفتت عليه يباوع من فوك ليجوه صدك ربكني
-اتفضلي
- الضابط اليوم ممداوم لو شنو
- لا ممداوم لان اخو بالمستشفي وتازمت حالته
- يعني ميداوم ممو
- طلع جكاره من جيبه وديشعلها هز راسه بلا اخذ نفس احنه موجودين ونكفي ونوفي تره وغمز بعينه
صخام بوجهك حتى كتله ما تقصر اخويه
عفته ورجعت للبيت جبت الدرب كله شارده واعصابي ترجف اذا اخو حالته اتازمت يعني راح يطلع الحركه بابويه
دخلت بيت ام اخلاص شافتني المره
- ها بشري
- شبشر خاله مصيبه بعدها الاكبر حالة الولد اليوم منتكسه واخو ممداوم وباجر اذا داوم صدكيني يطلع حركته بابويه ، خليت ايدي على وجهي و ابجي گلبي محترك
- ذكري الله يبنيتي وربج يحلها
امشي هسه انروح لام عباس خلي اتشوف شغلج ولو اني حجيتلها على ضروفج كالت بسيطه اهم شي ثقه
واسلوب حلو ويا الزبونات
- غسلت وجهي و توجهنا لام عباس
فعلا مره راقيه وسلوب حلو بالتعامل وهم مو كبيره بالعمر
اتفقنه اداوم من العشره الصبح للخمسه العصر
يوميه زينه بس طلبت الاستلام يومي بالبدايه و وافقت لان ام اخلاص كلشي حاجيتلها
وهيه كالت الثقه ثم الثقه والشغل المرتب
يوم ثاني لازم ابلش يمها دوام
رجعنه للبيت و سولفت الامي وكلش مراضيه بس مثل الي يكول شجابرك على المر
يوم ثاني المفروض ابلش شغل يم ام عباس الساعه 10. بس اني اطلعت من وقت كلش اروح اشوف الضابط
رحت هم وكفت الصبح وبارده تكص كص واكفه انتضره هم ماكو
فززني صوت كال شسوي الحلوه هنا التفتت وراي وشفت هذا العسكري نفسه الي شفته يم السوبر ماركت
محجيت بس خفت منه ابتعدت شويه
- وين رايحه وشبيج دترجفين مناكل بشر عيني
مرديت علي
قلص عيونه وباوعلي انتي شتردين بالضبط كل يوم هنا تره افتحلج محضر
صدك خفت
- وليش اني شمسويه وتفتحلي محضر
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
