اوس دخل وراي للمطبخ
اوس - شوفي مهى ثقي بالله الي سويته مو كرها بيج بس خفت البيت هنا ينگلب نهشل خاطبيله رنا
التفتت عليه
- وانت حطمتني لعيون مشاعر ست رنا
اوس - لج لا والله بس انتي هسه شفتي العلاقه البينه وبين اهلها و شسمه
- ااي و شسمه اختها مو صح خفت تخرب علاقتكم رحت خربت علاقتي
حك لحيته كال
- هسه انتي فهمتي وعرفتي يابه ماكو سماح ميصير تره والله اعزاز عندي انتي وجهالج ورجلج
- اوس منو حضر رقم النهشل من موبايلي
- اني
- شلون انت يعني وين شفت موبايلي و اخذته سمى مو
- مو هذا موضعنه مهى
مد ايده بشكل السلام
نتصالح لتشوفيني هيج اني ما احب احد يزعل عليه
اتسالمت ويا
- بس گلبي يظل شايل عليك
- من تعرفيني عدل كلبج يصفى من ناحيتي
من هاللحظه اعتبريني اخوج و اوعدج من تحتاحيني تلكيني وعد رجال يا مهى
وعافني وطلع بدون ما ارد عليه ولا حرف
مشكلتي مكدر انسى المواقف الصارت لان اهواي تحز بداخلي وماذيتني
استمريت كل يومين ثلاثه اروح اراقب بيت ايمن و اروح للعماره اسئل اذا سمى اجت
و كل عاده ارجع خايبه ودمعتي بعيني
رنا بدت تاذيني اهواي وبديت اشوفها تتقرب من نهشل
وخاصه من تشوفني تزيد تنعوص
وهو حسب اذا ضايج مني اشوفه يسولف ويضحك وياها واذا عادي اني و هو يغلس منها
ذاك اليوم عمي صاح علينه بغرفة جدو
دخلت شفت نهشل كاعد
نهشل - اامرني يابه
ابو نهشل - بده كلامه بايه قرانيه بسم الله الرحمن الرحيم ( ومن ايتية ان خلق لكم من انفسكم ازواجا لتسكنوا اليها وجعل بينكم مودة ورحمه ) والتفت عليه مكمل
( وانكحوا ما طاب لكم من النساء مثنى وثلاث ورباع ) صدق الله العلي العظيم
شوفو بويه حالكم ما عاجبني كل واحد بغرفه
باجر جمعه وشغلتك اتروح اتسوي الغرفتين الفوك وتجهزها الزوجتك واطفالها
وتعدل بينهن لا يجوز يا ابني
حسيت صخنت بگلبي اكله شعليك منو شاكيلك
النهشل عدل روحه وباوعلي وابتسم ذيج الابتسامه الخبيثه
- صار يابه من باجر اعتبرها تم
أنت تقرأ
قانون الذئاب
Ficción Generalاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
