الكعده متفيدني رحت ابدل كلت اطلع اني بنفسي ادور فد مشتمل عسا الاكي سعر مناسب
رحت للصالون داحجي ويا ام عباس و اسولفلها ورن موبايلي رقم غريب
فتحت خط / الو
/ السلام عليكم انتي مهى
/ اي نعم منو وياي اتفضل
/هذا رقم لكينا بجيب رجال واكع بالكاع و مكتوب بنتي مهى
محجيت شي وكع التليفون من ايدي انشل حلكي مكدرت انطق بعد
اجت ام عباس اخذت التليفون وحجت ويا المتصل وسدته
- كومي يا عيني شجاج ابوج مبي شي بس بالمستشفى
- مات مو كولي فدوه لتضمين عليه مات ابوووي موووو
عطت بعلو صوتي وملخت شعري راح ابويه ام عباس راح
- ولج والله مبي شي كومي اني وياج اروح هسه اخذت عنوان المستشفى
كومني البنات وغسلن وجهي وخطيه مقصرت ام عباس صعدنه تكسي و للمستشفى
اني امشي بيأس هيه تسئل عن العنوان وخابرت على الرقم لحد ما وصلنه للردها
مصدكت شفته نايم كدامي المحلول بيده وايدي يرجفن وشفايفه بيضه رحت شمرت روحي يم رجلي
- من عافيتي على عافيتك يا بعد عمري ليش هيج اتخوفني عليك
حجه الرجال اليمه
- بويه شصاير عدكم ابوج ديمشي و وكع ويصيح بناتي
- والله يا عمي مدري شنو اكولك
بس مشكور ما قصرت وكفتك هاي تسوه عمر بحاله
- لا بويه الناس للناس والحمد لله على كل حال بس كليلي عسا اكدر اساعدكم
باوعت على ابويه ميكدر يحجي تعبان بست راسه وكتله شويه و اجي
طلعت من الردها وتبعني الرجال
- احجي بويه
- عمو احنه شيلونه من بيتنه و اخر مهله لباجر الصبح ومعدنه مكان انروحله
- على هاي وكع والدج الله يعينه مو هينه
شوفي بويه اني كتلج عسا اكدر اساعدج الي كدامج هم رجال على باب الله
بس عندي مخازن مقفوله بموقف سيارات دبرو روحكم بيهن وعذريني يا ريت عندي مكان
- مخازن شلون يعني ما فهمت
- بويه مخازن جبيره وبيها مكان للحارس مطبخ وحمام ومتروكه صارلهن سنين تعالي شوفين يفيدنكم اتخلون بيهن اغراضكم لحد متشوفون بيت
ام عباس واكفه يمنه وسمعت كلامه واجت هم قنعتني ميخالف روحي شوفيهن احسن من الشارع
- لعد وابويه شلون اعوفه
- معلي شي يا بنتي هسه انوصي الممرض وننطي فد عشره و يراقب حالته
وصدك هم صاح على ممرض وردت اني انطي مخلاني ورحنه ويا اني و ام عباس
أنت تقرأ
قانون الذئاب
Ficción Generalاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
