شفته يمشي ويتلفت لفيت وجهي بالشال وتبعته
وميته خوف لا يشوفني
اهواي مشه واني تعبانه اصلا رجلي تاذيني من ضرب النهشل
طلعنه من المنطقه
ودخلنه بمنطقه ثانيه كلها درابين ضيقه
وكل شويه واضيعه وهناك ولحكته
مشيت تقريبا اكثر من ساعه او اني احس هيج لان تعبت ولا اكدر اكعد ارتاح اخاف اضيعه وهيهات احصل ايمن بعد
وصل دربونه حد يتعده منها نفر واحد باوع منا ومنا ودخل بيها
خليته شويه يمشي مسافه ورحت بعته
طلع هو واني سرعت مشيتي كل هالمشي امشي و احفظ ببالي منين طبيت منين طلعت وشنو محل او لون باب معين حفظتهن
طلعت من الدربونه مفتوحه على ساحه صغيره بيها كم بيت وجهال يلعبون
بس البيوت عباره عن خرايب
ظليت ادوره وين باي بيت طب
اكو باب خرابه المفروض لونه ابيض طلعت منه مره
و وياها جهال ثنين سويت روحي دامشي هيه استغربت وجودي هنا تقربت مني
- هاي شنو يوم انتي مضيعه
- هلا خاله اي والله دخلت هنا بالغلط ومعرف منين اطلع
ضحكت عليه
- شوفي حبيبه اكو طريق مناك دربونه وكعدت وصفتلي الدربونه الي اجيت منها
والطريق الثاني شوفي ذاك الشارع بصف بيت ام ايمن اخذي وامشي كبل يطلعج علي الشارع العام
من كالت بيت ام ايمن اتمنيت احضنها واصرخ باعلي صوتي من فرحتي
اتشكرت منها ومشيت
هيه هم راحت
اتقربت من الباب اباوع اشوف شكو
ماكو شي عباره عن ارض مفلشه وحيطان ماكلتها الرطوبه
گلبي منطاني ارجع مهان عليه ولا اكدر ابقى اكو الف ايمن
دكيت الباب وصرت على صفحه سمعت صوته الخسيس صاح منو
بسرعه ختلت بين فتحات اتصير فراغات بين الحياطين
طلع فشر علي الجهال بالشارع وررجع
فرحت معقوله لكيت اختي
رجعت بنفس الطريق الي دخلت منه واخذ صوره لكل علامه امشي بيها
وصلت بيت ام غايب همزين بالدوام بعدهم نظفت وطبخت غده
وحجيت ويا ام اخلاص بس مكلتلها لكيت سمى اعرفها اتخاف عليه
ظليت لليل افكر شلون اطلعها مناك وخفت لا هيه تخذلني اني متعوده على خواتي
نار مشتعله بداخلي لا بيه اغلس ولا اعرف شلون اطلعها مناك
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
