قانون الذئاب

بارت 6

الحياة خاليه من العداله   والانصاف ودائما ما يكون الفقير هو الي يدفع الثمن   

..
.صاح طرشه متسمعين  
التفتت وشفته هذا الضابط نفسه

صار عندي  امل  واحد بالميه  وكفت انتظره يحجي

فتح باب السياره وكال تعالي  صعدي  

- ليش وين انروح

- نحجي شويه انتي مو كلتي عندي كلام تعالي احجي   واني هم اريد اعرف الحقيقه منج

- اي بس ليش محجينه بالمكتب  

- زايده مني  واكف وفاتح الباب وانتظرج اخذي راحتج

وحرك السياره  
- لحظه لحظه اوكف   

ما حجه شي  بس اشر براسه  يعني صعدي وفعلا صعدت يمه   مرتبكه وخايفه  امور دتصير وياي  بحياتي مكنت متوقعتها ولا مخططه الها   اني وين من هذا الي ديصير  عمري جبته حدنه اني وخواتي بيت ام اخلاص

   - ليش ضربتي الاوس

-  اتطاول على ابويه  ولزمه من ياخته وضربه بوكس    مكدرت اتحمل  المنظر 
-  تعرفين اذا اوس  صار بي شي  شنو راح يجرالكم
امحيكم  انتوا والحي تبعكم

- محد اله علاقه اني المذنبه فقط او بالاصح اخوك هو المذنب 

محسيت الا بوكس بعيني   باوعتله ممستوعبه

- رجال بين الحياة والموت   وتركبينه الغلط

- عليت صوتي كتله  مو اركبه الغلط بس  يمد ايده علي رجال عمره ستين سنه  ششوف انت هالتصرف والي صار ردت فعل مني لو انت بمكاني وشفت والدك بهذا الموقف مراح اتسوي الاكثر

- جرني من شعري ودفعني  ابوج   متشبهي بابوويه

ظل يتنفس سريع  وبيد وحده يريد يشعل جكاره

اباوع علي ايده ترجف   اني شحجيت  وليش هالعصبيه  وشلون يمد ايده عليه

  ضربت علي الدشبول واني ابجي صحت نزلني بسرعه   ظليت اضرب  واعيط  نزلني

شخط السياره   انركع راسي   ادري شبي هذا مخبل والله

- يعني متردين ابوج يطلع  مو

امره عجيب شهالهدوء  العنده معبالك هو نفسه الي قبل شويه صار نار

- اني هم هديت دنكت راسي  طبعا اريده يطلع بس هاي مو طريقه نقاش 
- ابوج   تكدرون تطلعونه بكفاله  

- شلون بكفاله يعني    

- يعني تدفعون مبلغ من المال ك كفاله وها احد لازم يكفله 

- مبلغ شكد مثلا

-25   مليون

يحجيها عادي كانه كايل  25   حبة رمان