انفتح الباب دخلت اخت غنام الصغيره
من شفتها جريت نفس ورجعت الكرسي بالارض
- امشن لحكني تره غنيم ناويلجن الشر
- وين تردين انولي وين انرووح
- امشن وراي وما عليجن يلا لحكني دامه لاهي ويا الزلم بره
سمى - لتورطينه ويا اخوج خلينه راح يجي الي يطلعنه منا
- محد يكدر يطلعجن اتبعني
ظلينه اني وسمى وحده اتباوع بوجه الثانيه منثق بيها
ظلت اتلح وتستعجلنه امشن وامشن
طلعنه وياها هيه خربانه خربانه
مشت ببنه منزلتنه جوه وطلعنه من باب المطبخ
كالت روحن اخذن ذاك الدرب وركضن بي بين الزرع
- لج يا زرع بهالضلمه ومنطقتكم مو امان
سمى خافت واني هم خفت يعني واحد خو ميصير يشمر روحه هيه منطقتهم كله رمي للفجر ميسكتون منعرف الي النه والي علينه
دنحجي وياها واجه عاط جفلنه كلنه
ولج يصليحه هاي شجابهن هنا
صليحه من اول عيطه باعتنه
صالحه - ها يا خوي شفتهن يردن يشردن واجيت اردهن بس ما كدرتلهن
لا يا حقيره سمى رادت تحجي بس مخليتها رغم دكتها الناقصه كسرة خاطري بعدها طفله وخافت
اخذنه سحولنه اكو غرفه جوه الدرج اتصير مدري مخزن معرف شنو
بيت جبير بس مبهذل عباره عن اغراض مهوسه ومكسره
بيها شباك يطلع على الحديقه الاماميه بس كله حديد يعني منكدر نطلع منه
وهم طلع وقفل الباب شويه وسمعنه صياح البنيه خطيه يضربها وهيه تعيط ومحد يخلصها منه
رحت كعدت يم سمى حطينه راس براس وننتضر الفرج
مدري غفينه او لا وصار الصبح دخلت الشمس من الشباك
وجان يدخل علينه وبوجها كل شر العالم اخذ سمى من شعرها واجه واحد يمي بيده سلاح
- شوفي الشيخ كاعد بره يعقد الج اذا رفضتي اختج تموت
- اختي قاصر وهذا الزواج اجبار باطل شنو انت متحلل متحرم
غنام - عند غير هالحجايتين احجيهن مثلا لو تنصحينها تقبل احسن الج و الها
سمى بس حاطه ايدها على حلكها تبجي وترجف
هضمتني اختي بعدها بهذا العمر وشافت بلاوي
رحت بزاوية الغرفه ابجي مبيدي شي اسوي وهيه اتباوع عليه تهز راسها تستنجد بيه رفعت كتافي الها يعني شبيدي
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
