شويه و اشرت الطفل جابلنه مي شربنه كالت جوعانه
اشتريت لفات وكعدنه على صفحه ناكل اني هم جوعانه بليه ريوك طلعت
شفتها تاكل بشراها منضرها يمرد الگلب
كوه لازمه روحي عن لا ابجي كدامها
شتريتلها بعد لفه وكلتلها نوصل وشتريلج اكثر بس هسه اتصيرين ثكيله
سمعت صوته من وراي
- وليش متردينها اتصير ثگيله
باوعتله شيطان واكف مو بشر محجيت ويا يمي طابوكه مكسوره لزمتها بيدي
سمى بس شافته شمرت اللفه واجت وراي
- انتي شلون اطلعين مرتي من البيت بدون علمي تدرين شنو راح اسوي بيكم
- ايمن انت جنيت على حالك اذا تقربت منها موتك على ايدي
اتقرب من عدنه جرها من وراي
- امشي ولي معليه بيج بس هاي مرتي وملزومه مني
دفعته وضربته براسه بدون مقدمات
وصرخت ديتحرش بينه
ظل لازم راسه وخازرني
رحنه كملنه ركض طلعنه من بين المحلات سئلت واحد واكف منين نصعد كيات اشرلي
رحنه باتجاه الكيات جان اشوف ايمن على دراجه و ويا واحد
شلون يطيح بينه ما اعرف الخبيث
اجت ببالي فكره شيطانيه الي هيه اخذها و اروح للمستشفى واكتب بيها تقرير طبي لان وجها وجسمها مليانات كدمات
طلعت فلوسي شفتهن زين تكفي نصعد تكسي
صعدنه وكتله اقرب مستشفى
نزلنه وايمن ورانه
دخلت جوه ظليت اباوعلهم بحيث ما ابين
نزل هو وصديقه لفو وجوهو بشماغ واجو باتجاه المستشفى بسرعه رحت ادور دكتور
زحمه على ناس اهواي
وين يربي وين اوديها
بذيج الساعه ما اجه ببالي غير اوس
صعدنه بالطابق الثاني مال المستشفى وخابرته
رن مره وحده ورد
/ لج وينج يلبذاته صدك ما تستحين انتي
/ اوس فدوه واكعه بمصيبه اني الحكني بمستشفي الـ......
/ شنو شسويتي شبيج ولج يلا يلا جاي
وسده مني
مسافه اهواي من مكان اوس الهاي المنطقه
ظليت افتر وين اروح خفت انزل جوه
ظلينه نفتر بالممرات غرف و هوسه وما مفتهمه شي
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
