رحت وكفت يمه طلع موبايل ونطا الي
- خلي دائما يمج من احتاجج اتصل اياج متردين
شغل وراح واني بقيت واكفه حتى مخلاني ارد
رحت للبيت محتاره شنو اكللهم بله منين جبته ولا اكدر اضم عليهم
قررت اكللهم اخذته اقصاد وانهيها للسالفه
وفعلا طبيت للبيت وشويه شوفته الامي وكلتلها اخذته اقصاد البنات ساعات يصير شغل وما يحصلني ف احتاجه
ابويه حالته شويه احسن ورجع فتح الدكان مالته
باليل بالمطبخ داغسل اماعين
واجت سمى جايبه موبايلي وتباوعلي بقساوه
- هاي الثقه مهى هاي انتي الاحسن من عدنه الي المفروض قدوتنه
- شنو شبيج شسويت اني
شمرت التليفون على الميز وكالت مع الاسف عليج وطلعت
رحت اخذت التليفون وشفت رساله من النهشل
(باجر الساعه عشره لترحين للصالون تعالي اليه للبيت)
رحت السمى بسرعه خجلانه منها اني طحت من عين اختي
شفتها زعلانه علييه اني دخلت للغرفه وهيه رادت تطلع بس مخليتها
- لحظه سمى افهمج وانتي حكمي
- شتفهميني مهى انتي زعلتي على سهى لان تحجي ويا ملار زعلي على نفسج اولى لان ترحين اديحين بالبيوت والله متنلام بيج سهى
ودفعتني وطلعت
موقفها قهرني مخلتني حتى افهمها السالفه
رحت ثاني يوم بنيتي اتعارك ويا اشلون يراسلني واني بالبيت
و شنو يريد مني بعد
رحت للصالون استاذنت من ام عباس وخطيه اتفهمت سالفتي
رحت هناك للبيت اني ادل المفتاح وين يخلي
فتحت ودخلت شفت وحده كاعده بالصاله ببكامل اناقتها ومبين لبسها غالي هيه وذهبها مره بالخمسين من عمرها
من شفتها انصدمت هاي منو وشنو اتسوي هنا
باوعت شفته كاعد خال رجل على رجل ويدخن
باوعلي كال ليش اتاخرتي
- السلام عليكم ، بس رحت استاذنت من ام عباس و اجيت اهنا بسرعه احجي وعيني على المره
- هيه هاي مو ، تحجي وتباوعلي من فوك ليجوه
- اي هيه يوم بس اطمني ابد مو الي ببالج
- يا مو الي ببالي واني اشوفها ماخذه على البيت وطبت بدون متدك الباب
- ضحك ويا امه و يكللها تره حتى ام جاسم تدخل للبيت بلا متدك الباب
أنت تقرأ
قانون الذئاب
General Fictionاخوات يعانين من الفقر والحاجه ماذا يحدث عندما تحكمهن الذئاب من الواقع المؤلم وهل هناك من ينصف الحال
